منتديات آل حبه - اعاهدك ماقول غير امر وسم

قبل الغـرام وقبـل ما اصيـر .. مغليـك

أعاهدك ما اقول : غير ..( آمـر وسـمْ )

حتى لو أنت قلـت : برحـل .. وأخليـك

بقول لـك : تامـر علـى ماتبـي و تـمْ

راح أكـون إنسـان .. يفهـم حكاويك
أشاركك بالضحك .. والحـزن .. والهـمْ

مهتم بكْ .. وأغلي بعد مـن .. يخاويـك
ومن لايهمـك مانـي ب فيـه .. مهتـمْ

بفتح لك .. بصدري وقلبـي .. شبابيـك
وأنقش غرامك وأرسمـه .. داخـل الـدمْ

وإنْ جاك نوم .. رموش عيني .. تغطيـك
غمض عيونك وسط عينـي و نـمْ

وان قلت لي وش كبر حبـي بخافيـك ؟؟
أقول أحبك .. بس .. مـدري أنـا كـمْ !!

أبيـك تسرقنـي .. لروعـة مراسـيـك
وأموت بك موتة غريـق ٍ .. وسـط يـمْ

أبيـك تـدرك يـوم انـا جيـت اغليك
قصدي تكون أقرب من .. الخـال والعـمْ

قصـدي تبعثرنـي .. اذا مـر طاريـك
وأحنْ لك .. وأجيـك .. ملهـوف للـمْ

قصدي أعشقك .. وأتمنـاك .. وأرجيـك
وأموت على شوفك.. وضحكك .. مع الضمْ

أبيـك تفهـم ..!! يمكـن أقبـل تماديـك
وأسامحك اذا اخطيـت .. وأقـول : ماهـمْ

لكن ..!! لو إنك قلت : برحـل وأخليـك!!
بقول لك أبشـر .. علـى ماتبـي و تـمْ