يا عين لو تسهرين الليـل معـذوره
................. محدن يذوق العذاب اللي تذوقينه

يا عين شوفي القمر هو خافت نوره
................. ولا انعميتي ولا صرتي تشوفينه

يا عين والنفـس منهـيه ومـا مـوره
................. ابكي ولا يمنعك هم تـخـفـيـنه

يا عين اقري من القرآن لك سوره
................. يمكن يخف العذاب اللي تحسينه

يا عين يكفيك هم الوقت وشــروره
................. رب تكـفل بعبيـدة لا تناسـينـه

يا عين هذا الكتاب وهذي اسطـورة
................. واللي انكتب لك من الرحمن ترضينه

يا عين منتي على الخلان مجبـوره
................. من راح ياعين دمـعـك لا تهـلينـه

يا عين هذي سلوم الود محظــوره
................. اصغـر جريـمه تذل الرجل وتهينـه

يا عين خلي بقايا الأمر مستوره
................. من راح يا عـين حـذرا لا ترجينـه

<><><><>

لشآآآآعر // محمد سعد