|
لاشفتك بقربي انا زان حالي
ياللي عشانك ذقت انا المر حالي
............. ياللي عشانك طال صبري عليهم صرت اتواجد لجل عينك لحالي ............. وصرت اتناسى كل حاجه واجيهم لولاك والله مافرحوا في وصالي ............. لولاك والله ماتحمل حكيهم والكل يكرم لجل عين الغوالي ............. ولجلك اواصلهم وانا ماابيهم ولاصرت بتقفي وجونا منك خالي ............. بقفي معك واروح واترك يديهم مالي مكان بغيبتك ضاق بالي ............. شوفك مصبرني على الشين فيهم ولاشفتك بقربي انا زان حالي ............. وغيرك من العالم خفوقي نسيهم وعندي سؤال ارجوك جاوب سؤالي ............. عطنا الاجابه وهات ردك عليهم اللي لغرامك ساهرين الليالي ............. واللي بغرامك ربهم مبتليهم واللي يقول ان رمش عينك خيالي .............وحروف اسمك ماتفارق يديهم تهتم فيهم ولا لا ماتبالي!؟ .............تقفي وتترك هالحزن يحتويهم ؟! ادري بك الطيبه وصدرك شمالي ............. وعروقك اللي بالشهامه تجيهم حس بهواهم وحس باللي جرالي ............. وقدر ظروف الناس فيهم وفيهم فيهم يخونك جعلهم للزوالي ............. وفيهم من الوافين والكل يبيهم حكم ضميرك بأول الوقت وتالي .............نبي جوابك يمكن الله يهديهم وختامها صلوا عداد الرمالي ............. وعداد ماتمطر سحابه عليهم على نبي الله عذب الخصالي ............. اللي فعوله قدوت(ن) نقتديها |
|
يعطيك العافية أخي صاحب السمو على هذه الدرر المنثورة ،، وخذ هذي هديه من عندي ماطيق انا فرقاك ياكامـل الزيـن=ماعاد لي عقبك من الناس غالـي أقفيت عني ماعرف رايـح لويـن=لكن ترى تبقـى عزيـزٍ وغالـي حبيبتي ياأجمـل النـاس تبقيـن=في وسط قلبي منزلك حيل عالـي ان كـان ودك ياحياتـي تمريـن=أنـا بعـد ودي تشوفيـن حالـي وان كان جيتي منزلك وسط هالعين=ارتـاح لاشفتـك هنيـا قبـالـي عندي على ماقول صدق البراهين=اقولهـا مـادام جالـي مجـالـي الحب باقي فـي قلـوب المحبيـن=مالي بدالك وانـتِ مالـك بدالـي على فكره يا صاحب السمو ((أخي المعتصم بالله لم ينثر بعض ابداعاته ولكن أنا متأكد انه ماهو في يومه)) . |
|
المعتصم بالله
الفاروق الحياه امل تـوآجدكم الرائــع ونــظره منكم لموآضيعي هو الأبداع بــنفسه .. يــســعدني ويــشرفني مرووركم الحاار وردودكم وكلمااتكم الأرووع لاعــدمت الطلــّـه الـعطرهـ الفاروق اشكرك على الابيات الجميله والرائعه والعتصم بالله ما ادري وش فيه اليومين هذي صار ثقيل بهاليومين الظاهر ساهر ما خلاه بحاله ههه |
| الساعة الآن 11:48 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir