منتديات آل حبه - ((( ضفآف عيونك )))

بسم الله الرحمن الرحيم
السلام عليكم ورحمة الله وبركاته
كل عام وانتم بالف ألف خير

ابيات للتواصل واعذروني على هذا الانقطاع وراح اعوضكم بإذن الله

على ضفاف عيونك المزيونه
أسهر واسلي نفسي المحزونه

جيت اكتب ابيات الوله وانثرها
لك ياحبيب القلب يامفتونه

وأثر القصايد فيك لا .. ماتغني
عن ما تكنه روحي المسجونه

لو غصت غبات البحور السبعه
وجبت الدرر واللي ندر بركونه

مايمكن اوصل فيك ربع اوصافك
ياللي وصوف الحسن بك مرهونه

يافاتنه ياللي سلبتي عقلي
واصبحت انا بين العرب من دونه

سلهامتك بالله كيف انساها
وش لون ابنسى ماسحرني لونه

المبسم اللي فيه ذاب المعنى
ياموت من هم مبسمك يردونه

والا نغم صوتك ليا غنيته
مافيه بالعالم شبيه لحونه

والجادل اللي مثل ليل حالك
ولمعت بروقك فيه تضوي كونه

بالمختصر كثر الكلام بحسنك
ماينعرف كمه ولا مضمونه

وسلامتكم

بقلم الطارق (الذعذاع )