وبما أنك من الشعراء الافذاذ أحببت أن أهدي لك هذه القصيده :
أعرف انك ماتصدق بس والله فوق والله
والله أنه راح مني نصف عمري في غيابك
وأعرف أني شلت همي تاركن حبي على الله
كني أبعد من نجوم الليل وأقر ب من ثيابك
ياعساك وياعساني وياعسانا وياعسى الله
ياعسى الدنيا تموت ومايعيش إلا ترابك
ياأحبك وأعشقك وأهواك وإلايفتح الله
ماتعودت افتخر بأحساسي إلا(تحت بابك )
ايه أحبك والقضيه واضحه والشاهد الله
ياهلابك يوم تلحق غيمتي والحق سرابك
جابك الله في حياتي ياحياتي جابك الله
ليش؟مدري.وين؟ مدري.كيف؟ مدري.بس جابك
كل ماقلت ابتدينافي المحبه قلت يالله
مادر يت إن النهايه بين بعدك واقترابك
إنظلمت ولاشكيت وقد تركت الأمر لله
كان همي أنتظر باقي عذابك في عذابك
الله الله إنتبه واحذر وفكر والله الله
مثل ماأحسب حسابي في هواك
أحسب حسابك ماطلبت المستحيل ولا رجيتك شي لله
ماطلبتك أرتفع من حجرتي واسكن سحابك
يصرخ القلب المعذب يالمعذب (وكل لله )
شاب حبك في عيوني وأنت توك في شبابك
رحت شي وجيت شي"مختلف " ياحسبك الله
تصدق مابغيت اجلس مع حضرة جنابك
غير ( ذاك الزمان )ويازماني منك لله
ليش ماغيرت فيني شي يوم إني أهابك
ليش مايعطف حنانك علي وتوحدالله
يعرفون انك سؤال ويعرفون اني جوابك
ويعرفون اني حلفت ولااعرف أغلى من الله
والله انه راح نصف عمري في غيابك