ابشر والله يا صديق العمر بسعدك
أهلاً هلا باعداد ما خطّت ابيات
واعداد ما نسنس نسيم الفيافي
بالصاحب اللي ما يعَرْف الهزيلات
ضاري على بدع الجزل والقوافي
صوتك وصلني وأشعل الحرب بالذات
وحطم قيود المركبه والمرا في
واعلنت له حالة تأهّب وغارات
وجهزت جيشي والأمن والمطافي
وابدعت قافٍ ماتجيبه ميالات
وجتلك قصيده مرسله باختلافي
في هالزمن ياصاح عشنا متاهات
أخِير منها عيشةٍ بالمنافي
تشيّخت ناس ٍ وطاحت مقامات
والخير فيهم نادرٍ ما يشافي
باسبابهم يا صاح شفنا بشاعات
وجتنا بهالدنيا سنين عجافي
ياصاحبي ضاقت صدور المروات
والمسألة ماهي بحول انكشافي
لاقلت هانت يصدر الجوف ونات
ولاقلت شانت صدقت بنعكافي
وماني على ماقلت جازع وشمات
أستغفر المولي عليم الخوافي