منتديات آل حبه - عرض مشاركة واحدة

05-11-2011, 11:20 PM

الفرق ما بَيني وْ بَينِك
الفرق بَين الملح و السكّر
إلهن ذات الشكل و اللون
و في فرق بالمضمون
و الطَّعم و المصدَر .
السكّر من دَمّ النَبات ..
وْ بْيِنْعَمَل غَزْل البنات
الملح من البحر مسحوب
أو كايِن صخر وْ تْكسَّر
هَيدا الفرق بَين الملح و السكّر ..

بشْرَح .. تَ ما يِبقى لَغط ..
كِتر الملح بْيعْمُل ضغط
كِتر الحلو بْيِعمُل مرَض أخطر
إسم المرض . . ذات الإسم : سكّر
بالمرَض ما في فرق بَين الملح و السكّر
انْفَهَم قصْدي .. أو بْزِيد الشرح أكتَر ؟؟!!

إنْتِ السكّر وْ أنا الملح ....
اختَلَفنا .. وْ رْفَضْنا الصّلح
لَولا الملح ما في حلو
لَولا الحلو ما في ملح
لَولا الحلو و الملح طعْم الدّني تْمَرْمَر
مع إنّو في فرق بَين الملح و السكّر !!

بالطّبخ في إلْهُن عَلاقة
عَلاقة زَمَاله مُش صداقة ..
بْيِعْطوا الطَّعم للأكل
وْ بيزيدوا الجسم طاقة
بْيِتنافَسوا مين بْيِدْخُل عَ الجسم أكتر
شفتِ شو عِنّا فرق .. بَين الملح و السكّر ؟؟!!

بعْد الهضم .... بْيِدخلوا عَ الدَمّ
إلْهُن ذات الهدَف و الهَمّ ..
بْعْروق الجسم رَحْ يْكَفُّوا الطريق
شَملْهُن بالقلب رَح يِلْتَم ..
و يا ما قْلوب جَمْعِت بين الملح و السكّر ..

بْشرَح بَعدْ ؟؟ أو راسِك من الشّرح سَكَّرْ ؟؟!!