غناوي على القدر
القدر هو جار الصوب ،،،،، اللى عليه ياعين البناء
القدر هو رديع الصوب ،،،،، إن غابن قوانينه أعدم
ماهن خسارة فيـك ،،، لقـدار ياعزيـز تقيمهـن
وقدرك اكبر ياعين *** بعد طروك ناس أعزاز
يديرن معاك حدود ***لنضار كان قادرتهن
راه ياعزيز الصوب *** القدر كيف تسقايت الشجر
واجب عليه القدر العقل وين*** ما صوبه حتـــــــم .
لقدار في قليل الخير كي بلاش كي دورك الهن
بلاه ما يسير الصوب ،،، القدر هو مباديه ياعلـم
العقل مايروق غير امعاك ...لو تعرف قدرك يا عزيز ما تلومني
.................................................. ............................
طِياَح اَلقدّرْ بينَ اَلصحاَبَ مَصِيبَه
واَلعِيبْ فِي إللِي يبتدِي بـاَلعِيبهْ
عندِي أصحاَبَ ., نجـِيهمْ
وإنْ كَان ضاَق اَلحاَل نلجَى لِيهمْ
ماَ يهربُو فِي اَلضِيق كاَن نبيهمْ
ترِيسَ عزْ ما نلَقاَشْ فِيهم خيبهَ
راَفعِين رأسِي فُوقْ نَفخرّ بيهمْ
أصحاَبْ راَي فِي اَلمِيعاَد لِيهمْ هيبهَ
طِياَح اَلقدّرْ بينَ اَلصحاَبَ مَصِيبَه
واَلعِيبْ فِي إللِي يبتدِي بـاَلعِيبهْ
..................................................
عندي عقل من قل الرفيـق الساعة عام فحسابه اتمـر
وعندي فكر ذاهب في الطريق بقى محتار مو عارف ايمـر
وعندي عزم ما ينفع رقيـق لا حمـال لا عمـره صبـر
وعندي نفس خانقها الضيـق دال الياس غير وين المفـر
========================
حاولت ننسى مـا القيـت عزايـميا مصعب النسيـان عللـي هايـم
حـاولـت ننـسـى غـــرورك ونبعد عليـك ونتركـك لشعـورك
لكـن حنينـي شالنـي لبحـورك ولقيت نفسي فـي غريقـك عايـم
صــعـــب نـسـيــانــك وصعب على غيرك ايجي في مكانك
بعد مـا روينـا شاربيـن حنانـك نموت بالعطش عالغير صايم صايم
=================================
لي قلب امفارق محبوبه يكابر عالجرح اللي فيه
ماسك دمعاته بهذوبـه يحساب البعـد اينسيـه
ثاريت النسيان اكذوبـة ماغالي ينسى غاليـه
===============================
مرايفيـن حبينـا عليـك انمسـو بريافنـا ياريـت يـوم اتحـسـوا
عـلــيــك امـــرايـــف وان كان نشغلك راني ربيع وصايف
طول اغيابـك يـا حبيبـي خايـف تهجر ونحنـا عالسـراب انرسـو
==================================