هواجس النفس ماهي عنك مخفية=يومك وسط خافقي عايش بوجداني.
لولا كلام البشر وظروف شخصية=عز الله إني بكون العامري الثاني.
امن العوامر نعم..شف روحهم حية=أغرق كرمهم قصي الدار والداني.
وأصير مرتاح يملا النوم جفنيه=ويزول همي وادوس ابرجلي أحزاني.
من بعد ماسال وادي شق خديه=كسر سدود العيون وحطم أجفاني.
ماهو لنقصن بربعي أو كراهية=معروف تاريخ ربعي دون تبياني.
ربعي لهم فالمعالي اديار محميه=وكل الشرف نايلينه ما بهم داني.
وأصلي نهارن صفا من غير مارية=عريب أصلن من أخوالن وجداني.
أجبرني الوقت وقلوبن حسودية=أحكي وكن الحكي من واحد ثاني.
أصدق وأكذب ولا أدري صحة النية=ألفييين نفسن بروحي هدت اكياني.
صار الحكي هذر وأفكاري جنونية=من شافني قال ذاك الرجل خذلاني.
وان ضاق صدري ولف الدهر يديه=بغطس ببحر الهوي وأصير هيماني.
ابترك الكل وانساها السعودية=لا أصل لافصل لاخصمن وحدداني.
الأصل سوري وعايش لأجل سورية=وحيد معها سعيد بارض جولاني.
واأروح للشرق وأتزوج بشيعية=من آل بيت الحسن وأكون إيراني.
وابعبر الهند واتعلق بهندية=واريح النفس من هرجن وجنجاني.
وتشوف راسي تقول اركبه جنيه=وااكل فلافل توديني باكستاني.
واتعلم اكشف حراااكات العزوبية=واحذر من اللي يجي غيري فلاجاني.
وأسافر الصين راغب وصل صينية=وأعيش معها على حبن وتحناني.
ماليزيا..بل مناظرها الطبيعية؟؟=تخرج لنا قمة أشعاري وألحاني.
ثم أنتهي يوم أشبك لي يبانيه=يرجع لي العقل لني صرت ياباني.
واعرف بان الحكي لو طال بي اشوية=أيزعل أهلي وأحبابي وخلاني.
وارجع وأقول الحكي من صافي النية=من غير كذبن ولازورن وبهتاني.
مكتوب ع النفس تبقى دوم حبيه=ولسان حالي..تراني العامري الثاني