لا داعي لا داعي انت الي يشار لك بكل الأبنه

بالنسبه لمساحة 100 × 100 فماراح نطمح كثير ونقول بيبنوا نادي رياضي لانه جريمه نكراء وعار وفضيحه وسواد للوش

كل الي نبغيه ملعب زي كذا





عاد هذا مقر نادي الوطني الرياضي برغم شهرته الا انه توه حاصل على هذا المقر ابو 30 مليون وشوف كم من الشهره والمنافسات تم تدميرها في غفله من دون ايجاد البديل

تخيل نادي الهلال لو انعمل مكان ملعبه كلية فهذا شي طيب للعلم لكان بيروح فيها الهلال بينهار النادي هو ولاعبينه الاربعين ويصير جيل الهلال الجديد يلعب الكوره بين الدفاع المدني وجدار الكليه

دمار رهيب لتراث رياضي عريق انتقل من البيداء الى عوالي ثم فص ملح وذاب

خلني اجيب مقطع محزن يمكن الي اعجبه المقطع يعجب بالكلمات ويحس



من عايش قصاصات من حياته اسمها ملعب عوالي ثم يشوف كل شي قدام عينه يتدمر وما يبقى من الارث العريق غير الاطلالا يحس وش معنى تدمير الرياضه في آل حبه

فريق كان يقارع فرق الجوار صحيح كان ينهزم بالدرازن لكن يلعب بشرف وهو مرفوع الراس فكفاية استضافة الفرق وعمل البطولات الدوريه حتى لو ما كانوا يجون الا لاجل يهزمونا لكن كان لرياضة ال حبه مكانه دولية في استضافة اقوى التجمعات

اللوم ماهو على محاربي الرياضة فهم مبسوطين على الآخر لما افتكوا من ملعب الكوره لكن اللوم يقع على عاتق كل رياضي يلزم الصمت ويوشف ملعب عوالي قدام عينه يتدمر من دون ايجاد الملعب البديل فاللوم علينا كمحترفين << مع تقديم القبعه .. اللوم علينا كمحترفين نعرف وش معنى اللعب بين العصر والمغرب مرت لمة خياله مرت لمة خياله

فما عليك بيجي الملعب بالطيب والا بالغصيب وبننشب في حلوقهم على مبدأ كثر الدق يفك اللحام وحتى لو ما طالب الشباب الصغار فعلى الاقل يتم تقدير سنهم وين يروحون يطالبون كبار سن وهم طلاب ثانوي ومتوسط كل ما تكلم احد منهم قالوا له انجلع هناك قلع الله فرته وبالكدر يحاذفونهم تقول انهم معزى فإذا ما تم تفهمهم بيضلون يلعبون على الازفلت وإذا كبروا يبقى في قلوبهم محقره من ضمن رزمة المحاجر الي يتم الجامهم بها