منتديات آل حبه - عرض مشاركة واحدة - إشراقة (( قصة منقوله من الواقع أحزنتني حتى أبكتني ))

26-01-2012, 03:08 PM

القصيدة التي أبكتنا وأبكت من سمعها تناجي بها الطيور

نقرتين لعرض الصورة في صفحة مستقلة

واليكم ما قالته في قصيدتها :
تكفين يا طيور الحرار افزعيلي***أبي عن ديار الأهل منك الأخبار
تكفين حومي فوقهم وارجعيلي***وإلا إن حصل لك حومة داخل الدار
تكفين حول ابيوتهم دوري لي***سبعة فروخ يوم أخليهم صغار
شوفي ضناي وعودي وانكفي لي *** وشلونهم ياعلهم صاروا كبار
نسوا دفاي ونومهم في شليلي***وش علمهم ياعلهم طول الأعمار
قولي لهم إن إمكم له عويلي***خمسة سنين دمعها دوم مدرار
وقولي لهم إني على طول ليلي *** أنوح وليا قرب الصبح أنهار
وقولي عيونه دايم له هميلي***تبكي ليا شافت من الناس زوار
كل يوم أقول غدي حديهم يجي لي***راحت سنيني مابهم واحد زار
وأنا اللي من سبة سوات الحليلي ***حالي تردت كل ماله وتنهار
وفرقى ضناي اللي تردت بحيلي***كني على شوفتهم اصلى على نار
ياويلي كان الله عجل رحيلي*** وأنا لي سنين أبي لوهي أخبار
ياعونة الله من يبي يرتكي لي***جارت علي بأمر الولي كل الأقدار
تنكروا من يدخلون الدخيلي ***واللي بوسط ديارهم يامن الجار
قولي لهم ياطيور قلبي عليلي***الله يكافي قلوبهم صارت أحجار
وأنا اللي لبراق الخيال استحيلي***وأقول ياعل ديارهم تسقى الأمطار
تكفين وسط ديارهم صوتي لي***شوفي عسى لاسمي مع الناس تذكار
وقولي لمن نسيانهم يستحيلي*** يااللي نسيتوها ترى الوقت دوار
ياهيه ياللي بالسما لك هديلي*** ردي خبر تكفين يكفيني أمرار
شوفي أكا اللي نومهم في شليلي *** من آذان المغرب لوقت الأسحار
شوفي أكا اللي ماهتني في مقيلي *** إلا بمقيل معهم كبار وصغار
وقولي لهم إن كان حملي ثقيلي *** مره يجون وعقبها شي ماصار
وأنا يتولا ني كريم جليلي *** ياعلني في جنته وسط الأبرار