يا فلان
جبرك الوقت ترجع لي جبرك وجيتني ندمان
دمرك الشوق ياخاين وجيت تسابق ظلالك
::
عرفت الحب بغيابي عرفت أنك معي غلطان
تأكـد مايشــرفني طريق دربه وصالك
::
لعبت بحسبة جروحي وكتبت من الحزن عنوان
نسـيت اللي يحبك موت وصار الغير يحلالك
::
إذاغيري تبي قربه وصرت فبــحره الغرقان
نصيحه لايموت الحب..... ومن قلبي هنيالك
::
نسيت إنك تبيع الحب وتجزي الطيب بالنكران
لعلمك بانت الصوره.. وبانت نية أفعــالك
::
تشب النار في قلبي وتنسى إني معك إنسان
تخالط بالشقا هيلـك وحب الهم فنجالك
::
بعد مانقلبت الدنيا تجيني محــترق ولهان
تقول أرجوك سامحني وقلبي بداخله شالك
::
تبي قربي؟! أناحاظر ولكن باطلبك من شان
تشوف شلون لي عزه ترد الجرح لأمثـالك
::
أبي تبكي على شاني أبي تصرخ من الحرمان
لوأنـي باخر الــدنيا أبيك تجر مـوالك
::
أبيك تصير مجنوني ومن شافك يجي شفــقان
يقول شلون!!! علمني ؟ من اللي غير أحوالك؟؟
::
ترى هتلر بعد مجده تخلوا عنه الألمان!!!
وأنا من بعد حبي لك تركتك تقعد لحالك
::
تدل الدرب من دوني وقدمك سكة الأحزان
توكل لاتناديني ويعـين الله على حــالك
::
أنا يكفيني ذليتك وحديتك على الفقـران
تقول الموت من بعدك واقول هناك أشوالك
::
غسلت يديني من حبك وابرحل واهجرك يافلان
فمـان الله .. باقيلك نصيحـه وخلهـا فبالك
::
ترى من يضحك الاول مصيره باللعب خسران
وانا من يضحك الثاني عشان أحطم آمالك