ذوبتني مابين ملحــك وسكـرك,,,واهديتني قلبك..وروحك..وحالك

القلب قلبك .. والمشاعر مشاعرك
اجرح وعذب يا حبيبي حلالك

غالي ولوتخطي على القلب عاذرك
سو الذي يرضيك واللي في بالك

خابرني ميت في غرامك.. وخابرك
تموت في حب التملك .. وانا لك

ان كنت صاحي مع خيالك اسامرك
وان نمت في حلمي يجيني خيالك

يعني على كيفك وذوقك وخاطرك
اجيك انا كلي ... وكلي فدالك

اموت في غيضك وعقدة نواظرك
واموت في صدك واموت بوصالك

واموت في همسك ليا جيت احاورك
وفي دهشتك .. لاقلت ادور بدالك

واموت لاشع الضيا بأجمل صورك
واغيب معها .. وألتهي في جمالك


وتقول وش رايك؟ واقرب واشاورك
انت الله اعلم وش نهاية دلالك

وتضحك وتفرج بالسعاده سرايرك
وانا على ضحكة شفايفك.. هالك

ذوبتني مابين ملحك . . وسكرك
واهديتني قلبك..وروحك..وحالك

أقدر جهودك في حبي .. وأقدرك
وأسكنك بين الحنايا .. لحالك

ومني جزيل الشكر والقلب يشكرك
على سموك يالغضي .. وإكتمالك

سبحان من كمل وصوفك وصورك
وخلا مجالي يندمج في مجالك

إن غبت عني قمت اهوجس وادورك
وأنشد عن ديارك .. واجي وآعنالك

وإن جيتني برضاك .. ماجيت مجبرك
يا مرحبا ... والقلب فز ودعالك

بس انت تكفى دامني صرت رهن امرك..
إن غاب زولك .. لا يغيييب إتصالك

،،
إن غبت عني قمت اهوجس وادورك
وأنشد عن ديارك .. واجي وآعنالك

وإن جيتني برضاك .. ماجيت مجبرك
يا مرحبا ... والقلب فز ودعالك


تسلم أيدينكـ صااحب السمو
رآآقت لي حيل هالقصيدة
مشكوور لروعة الطرح
تستحق أحلى تقييم،،

،،

رووووعه يعطيك العافيه وسلمت يدك فيما كتبت

الجــوري

كلـــش

الرائع تواجدكم الذي أسعدني جداً

وماننحرم من حضوركم المميز

شكري واحترامي لمروكم العطرولتقييم


,
,

الله الله على روعه الابيات ومعانيها
عجزت اميز البيت الاجمل
كل بيت يقول الزود عندي
سلمت اخوي على روعه الانتقاء
لاهنت