اهمية الاتصال على الرقم 940

سالفة صارت قبل كم يوم..


وقفت عند احد مطاعم الفلافل وكنت انتظر طلبي.
وقف راعي سيارة ونزل وطلب .

الشاب سأل العامل السوري ليه لابس قفاز واحد جاوب السوري هذا اشتغل فيها وهذا أحاسب والعامل السوري وهو يتكلم

كان ماخذ الخبز بيده اللي بدون قفاز وحطه على الطاولة وقال الشاب وهو يضحك طيب ليه تمسك الخبز باليد اللي ما فيها قفاز السوري أنحرج وصار يبرر تبريرات مالها معنى وقال الشاب المفروض اللي يشتغل ما يحاسب يكون واحد ثاني
وأنا في ذيك اللحظة قلت فيه ذباب وخره عن الصواني وقال الشاب شف هذا زبون يقول عندك ذباب في المحل والعامل السوري شوي بيقوله مالك دخل تبي تأكل ولا اطلع برى والشاب طايح فيه,,,
أسئلة المهم من ضمن الأسئلة اللي كان يسألها وهو يضحك سؤال حسيت السوري من جد بينفجر والسؤال هو ليه منت مغطي شعرك وراح الشاب من ورى الكونتر يعني دخل عنده وارتسمت على وجه العامل علامة
استفهام وتعجب كبيره !!!!!!!!
وقال معك مفتش الصحة وتعال شوف وجه العامل من زود ماهو احمر من النار

يوم سمع كلمة مفتش الصحة صار وجهه تقول طماطة وشهب وجهه في نفس الوقت..
المهم أن الرجال دخل المطبخ حقهم وصار يعطي الملاحظات وطلع واحد من العمال.
مجروحة يده وقال لا أشوفك هنا إلا لما تعالج جرحك وسأل العامل الأول أبو وجه احمر مشهب عطني شهادتك الصحية قال ما معي قال اطلع برا أنت وياه..
المهم شب فيهم لكن بأسلوب جداً مهذب وفيه نصح وقال أنا ما جيت هنا عشان اعقدكم كله عشان مصلحتكم ومصلحة الزبائن لو الواحد جاه تسمم أو أي مرض انتقل عن طريق العدوى راح يدعي عليكم....

ويوم طلع الرجال قعدت اسولف وياه عن بعض المطاعم اللي تحتاج مراقبة فقال لا تتردد أي مطعم تشوف علية ملاحظة اتصل على 940 وعطهم اسم المطعم والشارع واترك الباقي عليهم
وكان معه ورقة قال:
شف هذي الورقة هذا اسم المطعم وتاريخ التبليغ والملاحظات اللي علية وها أنا جيته وشفت وش صار بعينك


لنكن يد واحدة ونتعاون معا


يا جماعة عليكم بكل مطعم أو بوفية أو مخبز أو غيره تجدون علية ملاحظة تبلغون..
أنا أول ما كنت مصدق فيه مفتشين أقول كلام فاضي ما فيه رقابه ولكن شفت بعيني ومن اليوم راح ابلغ عن أي مطعم عليه مخالفات



منقول للفائده

بسم اللة الرحمن الرحيم

الموضوع روعة وفي غاية الاهمية وأغلبية المطاعم والبوفيات......الخ في المملكة

لا تحتاج إلا لشمع الاحمر بسب عدم التزام العاملين فيها بشروط السلامة والنظافة

ونطلب من المسؤولين الجهد الاكثر وتكثيب المراقبة .

وشكرا لملكـ الاحساااس

لنكن يد واحدة ونتعاون معا ( 940 )

تسلم يمينك ولا عدمناك ..

ولو هناك رقابه صارمه كان تحسنت الامور
و الوضع ما يحتاج بلاغ المطاعم تحوي مخالفات عديده مجرد مرور المراقب يكشف الخلل بدون بلاغات لكن الاخوان مريحين ما يتحركوا الا اذا جاء بلاغ و السبب الاكراميات اللي تدفعها المطاعم المخالفه واذا جاء بلاغ يقولون لصاحب المطعم معليش واحد ملقوف بلغ و ما نقدر نسوي شيء

اتصلوا وبلغوا لعل وعسى يتحركوا ربعنا من سباتهم

الله يعطيك الله اخي ملك الاحساس
ويجعل ما كتبت في موازين حسناتك

يعطيك العافية ابو محمد

موضوع رائع تشكر عليه

جزيت خيرا