ياجار

ياجار كانك طعتني برقع الطير
طيرك وحش واقلوبنا مستميته
لولاي رجل من رجال بهم خير
ماصد واغض النظر من بخيته
ياجار طيرك كل ماعرض اعصير
مدري علامه يلتفت مادعيته
يمر كنه شارد الصيد لاذير
لا بوه لابو حي حيه وميته
اغير وانذر وانذر القوم واغير
وابيع روحي وانهزم لا بغيته
يردني ياجار طبع لنا غير
الجار ما ندرج لغرات بيته
يبقا على حشمه وشيمه وتقدير
ويروح عني بالردا ما قفيته
من خوف شي ما بعد صار ويصير
يما هدمت البيت والا بنيته
بعد عن الهين معزه وتوقير
ورجم على غير النقا ما بديته
يحدني يم الخطا دون تبرير
الى بلا ني بالهوى مابليته
وانا بشر مني خطايا وتقصير
الله يغفر كل ذنب جنيته

أجــمل وأرق باقات ورودى
لردك الجميل ومرورك العطر
تــحــياتي لك
كل الود والتقدير
دمت برضى من الرحــمن
لك خالص احترامي