21-01-2010, 04:15 PM
|
#1
|
تاريخ التسجيل: Jan 2010
المشاركات: 193
معدل تقييم المستوى: 16
|
مات ابوي
مات ابوي
كل حيٍ قبل يعلن مولده ساعة وصوله...... منكتب في صفحة الاموات ساعة احتضاره
في جسدناالروح دين ويرسل الداين رسوله...... لاوجب وقت السداد ودقة الموعد شعاره!!
مات ابوي وكلنا حزة طلوع الروح حوله...... قبل ذاك اليوم يبدا ليله ويقفي نهاره
شيخ طاعن بالعمر ينبيك عن عمره ذبوله...... اثقل التاريخ حمله ثم ساهم بانهياره
كان في زوله مهابه , فارهٍ عرضه وطوله...... ومن سلامة قلبه الطيب علة وجهه نضاره
فيه حلم وفيه دين يْكفي لسكان دوله...... بانيٍ دون المعاصي حصنٍ مْعلي جداره
تاجرٍ لا الليل ارخى دون خلق الله سدوله...... واستتر في ظلمته عنهم , توصى بالتجاره
راس ماله مصحفٍ وقيام ليلٍ وشهدوله...... في مصلى الطهر سقفه وارضه وحتى جداره
والخشوع ودمعه اللي رافعٍ قدره نزوله...... والطهاره في جسده اللي همت فوق الطهاره
عند بيبان المساجد تخبر القادم نعوله...... ان قبلك فيه من لا تنتزع منه الصداره
ماتعلل بالمشيب وضعف شوفه اورجوله...... يسبق المذن بساعه حاسب حساب اقتداره
ماسكٍ بيده عصاه وارميٍ فوقه حموله...... تاره يشيل العصى ثم العصى يرفده تاره
وان دخل بيته يشع النور كله مع دخوله...... ماتقول الا اشعة كوكبٍ حال انشطاره
بالحنان اعظم حنون وبالرجوله خذ رجوله...... لينٍ سمحٍ حكيمٍ ما يُرى الا قراره
بالمكانه والنسب والطيب ماحيٍ يطوله...... وبالعطا تخفي يمينه ما تمده عن يساره
فيه مالا استطيع اني احصره في مقوله...... ذا وانا ماجيت سره , ماذكرت الا جهاره !!
ياوجودي ياعذاب القلب – بَعده – ياذهوله...... اوجس بوسط الحشا من يوم ودعته حراره
وين ابلقا صدر حاني وين ابلقا مثل زوله...... هو مجير القلب لامنه شكا ثم استجاره
من يسكن فيّ روعي لاغدت روحي جفوله...... من صواديف الزمان اللي يجرعني مراره
بعدك الدنيا ظلام وللعنا دور البطوله...... في حياتي , ياعمار العمر كله ياعماره
اليتيمه من بعدْك تحن لايام الطفوله...... يوم بشتك دون وحشة كونها مثل الستاره
ادري ان الموت حق ولكن استصعب قبوله...... ذا ابوي , وموت ابوي اخلف مفاهيم الخساره
ياكفن ياكبر حظك يوم لفو بك نحوله...... وانعكس نوره عليك وزادك سطوعٍ وقاره
وانت يالقبر الذي نوخ بك الغالي ذلوله...... افتخر كل المدى حولك تمنى هالزياره
وياعزيزٍ كل خلقه رهبه وطوع سجدوله...... اسألك باسمائك الحسنى تعجل بالبشاره
وامنّه يوم الفزع لاحان ياربي مثوله...... بين ايدينك واكرمه وارحم خضوعه اونكساره
واجعل الفردوس الاعلى هو جزاه اللي ينوله...... يرتوي من سلسبيله ويْتمتع في خضاره
|
|
|
العرض العادي
