24-12-2010, 07:16 PM
|
#1
|
تاريخ التسجيل: Feb 2010
الدولة: ال حبه
المشاركات: 3,312
معدل تقييم المستوى: 60
|
تعلّم من غروب الشمس
من بغى الفرقا لقى لـه عـذر واسبـاب ودليـل
خل عنـك العـذر والاسبـاب دام الحـب ضـاع
كان ودك بالفراق .. ابشر عسى عمـرك طويـل
لاتردد وانـت لـك كلمـه ولـك امـر ٍ مطـاع
لي عليـك انّـك تبّـت بكلمـة ٍ تشفـي الغليـل
ولك عليّ اني لأوّقـف وقفـة الرجـل الشجـاع
لاتجاملني مخافة ( قال ) مدري خـوف ( قيـل )
عمر ( هرج الناس ) مايسمـن ولايغنـي جيـاع
كان قصدك ( سر حبك ) .. اوعدك لأصبح بخيـل
واحمل اسرارك معي للموووت قـدر المستطـاع
بس قلها ... قل ما احبك ... وابشر بصبر ٍ جميل
لاتحسب أني مثل مـن طبعهـم لـوي الـذراع !
ثابت ٍ لو هي تميـل الارض حـدره ... مايميـل
يـدري ان الفقـر ماهـو عيـب والدنيـا متـاع
كم تعلّم من شديـد البـدو وش معنـى الرحيـل
وكم تعلّم من غروب الشمس وش معنى الـوداع
يكفي اني لاانذكرت في سالفة عشّـاق .. قيـل
عاشر احبابه شجاع .. وفـارق احبابـه شجـاع
................................
السلام عليكم
اتمنى تعجبكم المشاركه
__________________
الحياة عقيدة وجهاد
|
|
|