السلام عليكم ورحمة الله وبركاته
ولد الشاعر الكبير علي بن محمد القحطاني عام 1946م في «دماج» وعاش طفولته في خميس مشيط، وتنقل بين مناطق الجنوب المشهورة بطبيعتها الساحرة ذات الأثر في صفاء شاعريته.
* ويعد الشاعر علي القحطاني واحداً من أعلام الشعر الشعبي الذين أثروا الساحة الشعبية بالكثير من القصايد وفي مختلف أغراض الشعر. جمع الكثير منها في دواوينه التي صدرت وهي:
ديوان ميسون، ديوان نسيم الكوثر، ديوان شاعر وفنان، وديوان آخر ليس له عنوان، اضافة الى ديوان مسموع بعنوان «الراقع».
* قال عنه الشاعر راشد بن جعيثن:«القحطاني شاعر مبدع.. يحدثك بلغة الواثق من مشاعره يفتل خيوط الصورة وينسجها في تصورات جميلة..».
* وقال عنه الشاعر عبدالله حمير القحطاني:«الشاعر المبدع علي القحطاني..عندما يشرق بالشعر من مشارق الروح.. أو حتى من مغاربها.. يبدو أنيقا في صياغته.. شفيفاً في اختيارات كلماته.. وكيف لا؟.. وهو الذي تغنت بكلماته أميز الأصوات الخليجية، ورفرفت قصايده فوق هامات النخيل؟.
* وقال عنه الأستاذ ناشي الحربي:«انه مزيج من الأحاسيس المتدفقة ذات المشاعر الجياشة...
وبعد غياب طويل
ها انا اعود اليكم من جديد
الشاعر علي بن محمد القحطاني
شاعر ربوع الجزيره ولا شك انه ظاهرة غبر طبيعيه في عالم الأبداع و بالذات الأبداع الشعري يستوقفني دائما عندما اجده يضع مناهج جديده لم تعرف قبله .. وهذا شي معروف لدى الجميع من ناحية اختزال التأثر بالأخرين الى درجة التقليد ... عدا هذا الشاعر الحصيف والذي اثبت بأنه منهج جديد ومتغير .... اترككم مع النصوص لهذا العملاق الشعري:
قالوا هلي وشفيك ماترقد الليل
ترى السهر ماله عواقب حميده
كانك مريض روح واعمل تحاليل
يشرحلك الدكتور وصفه مفيده
قلت انشدوا راعي الرموش المضاليل
اليوم صار الحل والربط بيده
.........
يابو رموش سود مثل الضلام
صفين مافوق العيون الوساع
وجعود هلت واصله للحزام
كالليل الأسود من طلع فيه ضاع
والخشم شبهته بحد الحسام
سيف السنافي بو هلال الشجاع
.........
ياطائره طيري وحطي بصنعـا
عندي حبايب بالفراق اوحشوني
راحوا وخلوني لصكـات بقعـا
ماكنـي اعرفهـم ولايعرفونـي
قالوا لهم حجـه علينـا ومدعـا
ويش السبب ياليتهـم علمونـي
قلوبنا ذابـت والاكبـاد وجعـا
والنـوم ودع بعـد ماودعونـي
اكابد الاهـات والنـاس هجعـا
ياصحاب صنعا وين سودالعيوني
..............
ماكل من سمي سعودي سعودي
حتى ولو حط البطاقـه بمخبـاه
سعودي اللي في المحن ماينودي
يشده العرق السعودي من اقصاه
اما سعودي لا جل كسب النقودي
لاشحت الدنيـا يوريـك علبـاه
ماله تاثر بالثـرى والجـدودي
بكره يـدور دار جـده ويلقـاه
...............
ابدى باسم الله واكتب بالقلم
ومن بدى بالله يآمن لايخاف
ربك اللي يخلق الشى من عدم
عالم سر الخفا اللي مايشاف
بعد ذا يامن على خده رقم
ابتدينا الصلح وانهينا الخلاف
خلنا نآخذ من الدنيا حكم
والعمر مره ونصف العمر طاف
ياخفيف الدم ياترف القدم
خلنا من هم ذا الدنيا خفاف
وشيفيد اللي قضى عمره بهم
والنتيجه واحده بآخر مطاف
............
وهذه بعض الأبيات
ردي الأصل لو شفته صفالك
ترى الأنذال عشرتها مصايب
إذا صارت له الحاجة عنالك
ولو تحتاجه أنته صار غايب
***
التسرع عيب في كل الأمور
من تسرع بالرماية ما يصيب
الصراحة بدا والشرط نور
لا تسمي غلطة الإهمال طيب
***
عزالله إنه صار نومي تقاطيع
وأنا الذي كنت أرقد الليل كله
يا حسرتي لاتيه بالفكر واضيع
ولا تقديني النجوم المطله
الليل يفتح لي ملح المواضيع
وماتحزن عيون الشقاوي تهله
...........
ياذا النسيم اللي سرى تالي الليل
من وين ساري يارسول المحبين
مارسلك راعي الرموش المضاليل
اللي مضالي عنه أيام وسنين
خلى حياتي من فراقه غرابيل
وحدود نجد وقفت بيننا البين
***
ياللي عليك الذه مرشوش
الشعر الأسود على أمتانه
اصلي ولا يلبس المغشوش
من صور الزين سبحانه
صفت رموشه تقول اجيوش
وعيون بالقتل فنانه
***
يابيت لابارك الله فيك
سافر وخلاك مظنوني
من أول كل يوم أجيك
زيارتك شي مسنوني
واليوم جعل القدر يمحيك
خلوك تبكي وبكوني
لا عاد أشوفك ولا راعيك
مابيك عقب أسمر اللوني
***
طايرة طارت وفيها نور عيني
ليتني طيارها وإلا المساعد
رحت أودعهم وأناقلبي حزيني
هل دمعي يوم شفت الحلو صاعد
يوم زادت طايرتهم بلحنيني
وستدارت بالسماء والصوت راعد
ضاقت الدنيا علي يامسلميني
قلت والله ياهلي مانيب قاعد
منتضر يومين هاتفهم يجيني
تبطي الساعه على منهو مواعد
***
ياضايق ابشر بالفرج من وراء الضيق
ضاقت وعند الله وسيعات الأبواب
من رحمته توسع جميع المخاليق
لكن تحرك كل شيء له أسباب
***
لاصارت الحاجة على يد حساد
لا تنتظر من الحسود النفايع
أهل الدسايس والنميمه والأحقاد
ومن صدق الحساد شاف القنايع
يجيك ماشي مرتدي ثوب الأجواد
والطيب والمعروف بالنذل ضايع
..........
واشهر ماقد قاله ذالك الشاعر تلك القصيده التي غناها ولحنها الفنان الراحل عيسى الأحسائي التي يقول في مطلعها:
رحال عن ديرتك رحال
اسلم عليكم فمان الله
يابعد عمري وراس المال
ياعز واغلا عباد الله
صبرت واليوم صبري طال
ودعتكم وامرنا لله
واصبر على الحل والترحال
واليوم ياقلب استعن بالله
.........
انا ماذبحني كود من يسكن المحدود
حسيبي عليه الله رب المخاليقي
انا في طريقي وانفتح بابه المردود
وكنه نزع قلبي من اقصى المعاليقي
ولولا الحياء واخشا من اللوم والمنقود
لقول اسقني يابن العرب ناشف الريقي...
وهذي المرسله بين الشاعر غازي البراك وبين الشاعر العملاق علي محمد القحطاني
وسبق ان نشرت في مجلة المختلف العدد52 نوفنبر1995 ارجو ان تحوز على رضاكم
ياعلـي قلـبـي قــوة الـهـم هــزه
وحطم ضلوعي ياعلي بهتـزازه
اشكي عليك الحال يابن المعـزة
شـكـواي لـلـي راقــي بعـتـزازه
للـي يعـزك واجـب انــك تـعـزه
قــدام اليـعـود بـدربــه جـنــازه
والله يابن قحطان في كـل حـزه
عندي تصور خد صفوا القـزازه
وليـا نضرتـه هــم قلـبـي يـكـزه
واقول مـن باقـي حياتـي معـازه
ام النهـود اللـي مثـل بيـض وزه
والـعـود حـلـوا بـايـن برتـكـازه
والعين عين الحـر ساعـة مفـزه
لاهد في جول الحبـاري وحـازه
الزين غالي وابيض الوجه رزه
زين الجمال اللـي بعيـد عـزازه
حلوجمـيـل فــي حيـاتـه مـنــزه
واذا حصل مالي بها لناس عازه
مرد على محمد القحاني
حييـت ياسـاس الكـرم وانــت رمــزه
معـدن ذهــب مهـمـا يـطـول اكتـنـازه
شاعـر يصـيـغ البـيـت ويـحـل لـغـزه
شـاف الوقـت فرصـه وحـب انتـهـازه
لوكـان غيـري بـان نقـصـه وعـجـزه
والأيجـيـك البـيـت واضـــح نـشــازه
لـكـن عــط الخـبـاز يـاخـوي خـبــزه
حــنــا هــلــه وخـابـزيـنـه خــبـــازه
وتـعــال لـســوق الفتـيـحـي وحـمــزه
نشـري ذهـب والـزيـن هــذا جـهـازه
واركب على اللي يعجب الزين طرزه
الـلـي وكيـلـه يفتـخـر فـــي طـــرازه
تصـبـح مــع خــط السـعـودي تـكــزه
لـديـرة هـلـك دار الـكــرم والـمـفـازه
وكـان مقصـودك مـن الـزيـن غـمـزه
وقلـبـك عـلـى تـنـور مفـتـوح غـــازه
فاشـرب مـن التنـبـاك مـاضـم كــرزه
وتونـس بمكـنـون الضمـايـر حــزازه
ولافـــــاد بـكـسـتــان والـهــنــد رزه
تـجــارة الـلــي مـاخـذيـن امـتـيــازه ...
امبراطور
الشعر الشعبي علي بن محمد القحطاني):
مره نقول الشعر من قلب مرتاح...
ومره نقول الشعر من ضيقة البال
طير يطير وطير مكسور الاجناح...
والوقت مايبقى نظامه على حال
من عاش في دنيا المباهج والافراح...
حاشه نصيبه من كدرها والاهوال
والرزق له من والي الكون مفتاح..
والادمي يمشي على نور الامال
لو فاتتك بعض المكاسب والافراح..
وانته بصحه صحتك قمة المال
اقبل من المقسوم ماجا وماراح...
واشكر عظيم الشان ياطيب الفال
واجعل من الايمان للروح مصباح ...
لو كان همك مثل ليل الدجى زال
واسمع كبير السن لاجاك نصاح..
اللي حنت ظهره حميلات الاثقال
والليل مهما طال لابد ينزاح..
والصبر فيه النصر حتى ولوطال
الشاعر علــــــي محمد القحطاني
منتديات ال حبه التقنية
العرض العادي
