02-11-2008, 04:41 AM
|
#1
|
تاريخ التسجيل: Jul 2008
المشاركات: 85
معدل تقييم المستوى: 16
|
راعي الهوي اقفى وغادر ارآضيك
روّح تراني قلتهـا اليـوم ما بيك
معطيك قلبـي ولا قبلـت العطيّـه
درب سماح وربي يجبـر خطاويـك
معاد لك عنـدي مكـان(ن) هنيّـه
راعي الهوي اقفى وغادر اراضيـك
وش له بأرض(ن) ما بها قلوب حيّه
لا تحسب اني باق(ن) في حراويـك
ولا انتظر منك وعـود(ن) وجيّـه
ودعتـك الله لا تمـادى بهقاويـك
عيشـي حياتـك واقفليهـا قضيّـه
يالله ياقلبي لك طعـون(ن) تناديـك
تقـول هـذا بلسمـي فـي يديّـه
تعال يمـي والتفـت لـي اداويـك
محد سواتك علـم(ن) باللّـي فيّـه
ارجوك ياقلبـي طلبتـك ووصيـك
الليّ جري ذااليـوم ماهـو شويّـه
خلك مع اللي دايم الـدوم مغليـك
خل(ن) عطوف ما حصل منه سيّـه
عود ترى روحه مع الشوق تدعيك
تقول وينـك طـال بعـدك عليّـه
__________________
|
|
|