عودت نفسـي علـي فرقـاك واعتـادت
من عقب ماصرت في وصلـك مزهدهـا
،،
زدت بصـدودك ونفسـي بالهجـر زادت
في تالـي الوقـت يـوم انـك تزودهـا
،،
ماوحيتها يوم باعلي الصوت لـك نـادت
تسعـي لقربـك وخطـواتـك تبعـدهـا
،،
وعين ( ن) كريمه بصاف الدمع لك جادت
في كل يـوم(ن) علـي الفرقـا تهددهـا
،،
سادت مفاهيم فـي فكـري وثـم بـادت
وانا اشكـر الوقـت يـوم انـه يبددهـا
،،
كنت احسب الروح لامن بالهوي انقـادت
تبقي مـع اللـي تحـب اليـا لحايدهـا
،،
وان المحبـه شـرك لاصادتـك صـادت
وحبـال معـقـوده تحـيـر معقـدهـا
،،
بـاد الوهـم والحقيقـه عقبهـا سـادت
واستوعب العقـل اشيـا كـان جاحدهـا
،،
اخـذت مـن تجربتنـا عبـره وفــادت
والتجربـه خيـر برهـان (ن) يحددهـا
،،
لو تمنع النفس عن درب الوصل حـادت
النفس تمشي علـي طبـع(ن) معودهـا
،،
عودت نفسـي علـي فرقـاك واعتـادت
من عقب ماصرت في وصلـك مزهدهـا