رأيك يهم المنتدى

بو نايف وبو سعود وبو حاتم وسلطان الخير
أهلاً بكم في صفحتكم
وكم كنت أتمنى من الآخرين الإدلاء بدلوهم فلديهم الكثير

..... .....

منتديات ال حبة

تحتوي على نحو 43 منتدى ما بين أساسي وفرعي
وهذا شئ يلفت ويدعو للفخر لأول وهله
ولكنه يعطي إطالة تشتت تركيز ذهن القارئ أو العضو عندما يرغب في إنزال موضوع ما
( فالعبرة ليست بالكم الطويل )

فأرى والله أعلم ..
أن من المستحسن دمج بعض أقسام المنتدى مع بعض لعدم الإختلاف الكبير في المسميات بوضع المسمى الأساسي
( كالإسلامي مثلاً أو المنتديات الأدبية أو الكمبيوتر والتقنية )
ثم نضع أسفل منها مباشرة أو بجانبها الأقسام الفرعية الخاصة بها حتى نختصر طول الصفحة الرئييسية ونعطي لمحة مركزة للعضو والزائر

(فأشوف إنه من المستحسن أن لا يزيد عدد مسميات الصفحة الرئيسية عن 30 مسمى
( بل هو كثير أيضاً )
وليس ذلك بالحذف أو الإهمال وإنما عن طريق الدمج أو ترتيبها كما سبق )
....

نقطه أخرى
وهي ... نلاحظ أحياناً بعض المواضيع أو التنبيهات تنزل وتدرج تحت منتدى الشكاوي فلا يستطيع العموم قراءتها بالرغم أنها ليست بذاك السرية
بل إنها أحياناً موجهه بشكل أو بآخر للكل مما أرى من الأحسن أن تنزل على المنتدى العام أو على لوحة الترحيب مثلاً أو برسالة خاصة للأعضاء أو ما إلى ذلك من طرق الإدارة..

أخيراً يوجد على الإنترنت منتديات قبلية كثيرة وكبيرة منها نستطيع أخذ ما يصلح لنا ونترك مالا يصلح
سواء بالتصاميم أو الإسلوب .. أي أخذ الفائدة من هنا وهناك
( والعملية ليست تقليد وإنما كسب خبرات )

أخيراً
كل ما طرحته أو أود إيصاله هو فقط وجه نظر قد تكون صائبة وقد تكون خاطئة وداقة ريوس بسرعة 180
فالمعذرة للجميع إن شطحنا
ونسأله سبحانه التوفيق للجميع

.

لو بتاخذون رايي فانا احب النقاش الجاد ومجلس قبيلة ال حبه والباقي مش ولا بد يعني احذفوها

طبعا لكل واحد فينا رأي ولكل واحد اهتمام خاص ولو اجتمعنا هنا في الموضوع وكان العدد اربعه او خمسه فاضن ان باقي في المنتدى اعضاء ما شاركوا او اعضاء يحول دول دخولهم انشغال او عدم رغبه في الكتابه في الوقت الحالي او عدم توفر اتصال فهل يتم دمج الاقسام الي يفضلونها او يتم الاستعجال بدمج اقسام هي في الاساس جت طلب من اعضاء كانوا مشاركين واختفوا ويمكن يجي اعضاء يطلبونها من جديد فالافضل ان ما بني يتم الابقاء عليه حتى لو ما شارك احد فيه ونعتبر وكأنها مواضيع قديمه اندرجت في الصفحه ما بعد ميه من اي قسم في المنتدى فلو قريت المواضيع انا او اي عضو موجود راح يجي اعضاء جدد من حقهم ان يقرونها في القسم المخصص لها وما ينحرمون من الترتيب الي تم البناء عليه وعلى الاقل نعتبرها تنظيم للمواضيع في اماكنها الصواب

اللي الاحضه في المنتدى وفي اي منتدى ان المواضيع الجذابه هي الي تتكلم عن تغطيه احداث تصير واستغرب في بعض القضايا الي تثير اهتمام المجتمع ويصير فيها حوارات ونقاشات وتغطيه ان يكون فيه اغفال زي ما صار للحرب مع الحوثيين والي اتجهنا للحوار في منتديات بعيده عن المنتدى كمثال فاخبار على مدار الساعه للاسف اننا نتجه للمنتديات الي تهتم فيها وهذي اشوفها نقطه ما تم استغلالها واقصد الاحداث الي تصير باستمرار وعندك على سبيل المثال مجلس الصحافه عليه اقبال من الزوار لان يتم اضافه خبر جديد يكون مهم بالنسبه لهم

مسألة التحطم ان اذا مالقيت كاتب موجود اليوم معناه ان بكره وبعده ماراح يجي فهذي شيلها من بالك خاصه ان المنتدى يهم ابناء ال حبه والي كل يوم يزيد العدد لان كل يوم يخش مشترك جديد على النت وكل يوم يزيد العدد والمنتدى يستمر سنوات ومو يوم او اثنين حتى لو قل النشاط في فتره من الفترات فهو معناه ان كاتب كان مهتم بادراج المواضيع ويحمس البقيه اختفى او كاتب يحب المشاركه ويحرك المواضيع توقف او كاتب مشاركاته زي مشاركات 100 عضو موجودين توقف نشاطه او تم اعطائه باند او تم التضييق عليه او انفصل الاشتراك او خرب الجهاز او المودم او راح طلعه او حب يغير جو في احد المنتديات او الدردشات ومصيره يرجع او يرجع مجموعه ويتحمس الكل ويقولوا منتدانا احلى منتدى وهذي طبيعة المنتديات

المهم والاهم انك تضبط مسنجرك عشان عندي لك خطه ما تخرش المويه لتدمير المنتدى وراح تكون انت قائد العمليات وعلى ابو سعود وابو حاتم لبس الاحزمه الناسفه وتفجير المنتدى بكل مشاركته ولو يشارك معنا سلطان الخير وابو نايف في اتمام الخطه ماهيب بخه

عاد الله يستر لا يصير شي فترجع المشكله على راس عود الاراك زي مارجعت على راس الغريب ولو اعرف افجر المنتدى كان ما توانيت لو دقيقه وبعثرته

الي نحتاجه هو فتح المجال لاخوان لنا من الديره تحمسوا للنقاش ثم طفشوا او خلصت مواضيعهم وتورطوا ولو اني اشوف ان تورطوا هي الاقرب للصواب خاصه بعد استنفاذ القضايا وايجاد حلول لها فما عاد في شي يتم نقاشه فوش يكتبون عنه فلابد من ايجاد قضايا جديده تهم المجتمع وتفتح افق جديد للمناقشين فالزفلت واصل مع انارته لكل بيت والدي اس ال وصل وصندوق الجماعه رجع والمظلات ركبت في المنتزه وعمود الهلاك انقطع والتعديات توقفت والمسجد صار له توسعه وكثير من النقاشات الي كانت تناقش انحلت فمن وين يجيبوا نقاش او من وين نجيب اذا كثير من الي كان يتم نقاشه انحل فنحتاج لفتح افاق جديده للنقاش فالمنتزه لازم يتم زراعته بالانجيله ويتم انارته وترصيفه والطرق لازم يتم ترصيفها وزراعة اشجار لها و مسجد العيد لازم يتم ايجاده والملعب لازم يتم ايجاده والمستشفى لازم من ايجاده وهذي قضايا يحتاج لها اثاره في النقاش الجاد نحتاج لاكمال مشوار نقاش القضايا فحتى لو تم الهدوء الا ان العاصفه جايه وهي مسألة استراحة محاربين تحتاج الى زوبعه تلفت الانتباه وهذا الي يحتاج له النقاش الجاد زوبعه ثم اعصار ثم حلول ثم ركود ثم زوبعه وهكذا على مدار الوقت ولو حصل انشطارات وكوارث مع العاصفه فهذا شي طبيعي والمفروض يكون فيه ثقه ان مازال فيه كثير من الموارد الي راح تصب في المنتدى وان مازال فيه كثير من التفاعل ثم الركود غضب وهدوء حماس واحباط وهكذا

على العموم في خلايا نايمه في المنتدى وويل للعرب من شر قد اقترب فلا تحبطوا بالركود لكن عليكم بالصبر حتى يعود الكتاب ويسجل كتاب جدد فالصبر مفتاح الكيلون وعليكم بالتأني والنضر على المدى الطويل فالدنيا دواره ولا يبقى شي على ماهو عليه

المعذرة إن حصل لبس أو سوء فهم ..
أنا ما قصدت دمج أقسام مختلفة مع بعض كأن ندمج المنتدى الرياضي بمنتدى التقنية أو أن ندمج المنتدى العام مع الشكاوي .. أنا ما أقصد كذا
الطريقة اللي أقصدها واضحة فووووق ،،
يعني المنتديات الإسلامية تدرج مع بعض وكذلك المنتديات الأدبية مع بعض والتقنية أيضاً مع بعض
ولكن بأسلوب مختصر وذلك بوضع أقسام فرعية لكل منتدى تحته أو بجواره
مع حفظ البيانات القديمة في سجلاتها أي دون حذف معلومة أو خبر منها ..
فلو نظرنا لمنتديات مثل منتديات قحطان نت أو منتديات عتيبة ( الهيلا ) أو غيرها نجدها كما ذكرت مختصره ..

....... ........

لكن .. تبغى الصراحة يا غريب الأوطان .. في البداية تحمست وحسيت إني فعلاً أنفعلت معك وقمت أتحمس أقرأ وأقرأ فصرت مثل اللي حط يده بيد صاحب ددسن أو بو فلاح وسلم أموره وما ربط حزام الآمان ،،
لكن للأسف يا قلب لا تحزن ما خلا به رصيف ولا نخله الإ خلاه يسلم عليها ،، وتاليتها ما درى وين كانت نقطة الإنطلاقة حتى يرجع ويحرم إنه ما يحط يده بيدة مرة ثانية ..

أنا بسألك سؤال زغنووون وش دخل عمود الهلاك والمستشفى المركزي حقك بموضوع دمج وترتيب الصفحة الرئيسية والإ اللي أدهى وأمر الخلايا النايمة اللي تقول ..
أنا من يوم شفتك طقيت بالتوقيع اللي فوووق وأنا عرفت إن موالك طووويل ..

أقول وش رأيك بس دام السالفة كذا تجي نفلها سجع ورواية تراجيديه يمكن نطلع بشئ نستفيد منه بدال سوالف أفلاطون حقتنا ..

:msa (42):

حوول حوول يا خبـيري

.

دمج بعض الاقسام مثلا:
منتدى التقنية والمعلومات يندرج تحته مسمى الانترنت - الكمبيوتر- البرامج - الجوال - وهكذا
منتدى الاسرة "
المرأة والطفل - المطبخ العربي - الاسرة والمجتمع - الازياء والموضة -
المنتدى العلمي = تربية وتعليم - طب وصحة - علوم

وهكذا 00000

بعدين منتدى الخيمة الرمضانية مفتوح له حول ثلاثة اشهر ما يحتاج يكون مفتوح حاليا

مشكورين على التغيير بورك فيكم