يا الله ياللي ليا ناموا المـلا ماتنـام=
خالق الشاعر من اللي ماهم با اشعرا=
يا بني عمي الصبر انتهـى والمقـام=
بين من لايعـزون العزيـز اقشـرا =
ذا السنه عاشره وانا ادرج ياحـرام=
مادريتوا وش المعروف ما المنكـرا =
اجبرونا على الهجره عيال الحـرام=
وانجبرنـا نهاجـر قطعـة للـمـرا =
والا فان حبكم بين اللحـم والعظـام=
واعتبر نفسي الخسران مهما جـرا =
الوداع الوداع الى اللقـا والسـلام=
ياحمـاة المدايـن ياحمـاة الـقـرا =
هذا حظي وهـذا بسطهـا والمقـام=
هو درى صاحبي والا بعد مادرى؟؟ =
كل ماجيت ابامشي خطـوة للامـام=
رجعتني ظروفي خطوتيـن ورى!! =
اتكلـم ولـكـن مايفـيـد الـكـلام=
ناس فوق السحاب وناس تحت الثرى =