ممكن تشوف الرسالة هذي و اقراهـا .. و أبيـك ..

السلام عليكم ورحمة الله وبركاته
.
.





ممكن تشوف الرسالة هذي واقراهـا .. وأبيـك
تعترف لي من كتبها ؟ إنـت ولاّ شخـص ثانـي

فيها مكتوب أعشقك وأشتاقلـك وأمـوت فيـك
وأوعدك إنّا نعيـش لبعـض بآخـلاص وتفانـي

وأنّ مهما طال فيني الوقت أعينـك وأعتنيـك
ومستحيل أجرح شعورك يـوم أو منّـي تعانـي

وأنّ حتى لـو تخلّـو عنْـك لحظـه والديـك
مستعـدّه أعوّضـك ياكـل كلـي مـن حنـانـي

وأنّ هـذا القلـب منْـك أوّلـه وآخرتـه إليـك
فأعرف انّي لجل حبّك بعت كـل اللـي شرانـي

شفت هالأربع سطـور اللـي قريـت بناظريـك
هذي فحوى من رسالـه إنـت كاتبهـا عشانـي

إحتفظت بْهـا زمـان وقلـت بمسكهـا عليـك
لجـل أدينـك لـو تغيّـر هالـكـلام الأولانــي

أذكر انّـك قلـت لـي فـي وقتهـا الله يهديـك
يعني معقول أتغيّـر وأنـت قطعـه مـن كيانـي

لا توسـوس وأحتوينـي كثـر مانـي محتويـك
وأترك الأقـدار تثبـت صـدق ماقالـه لسانـي

قلت ماهيب وسوسـه والـود ودي ألتقيـك
أربع وعشرين ساعه معـك مـا أبـرح مكانـي

بس أخاف أنّي بدَل ما أشكي لك الجرح .. آشتكيك
وأنت خابر وش يسوّي الجرح في وسط المحاني

قلت لي لا لا تطمّن ليش خوفـك يعتريـك
خلّ خوفك من جميع الناس وأرقـد فـي أمانـي

ومرت الأيام وأحْنا بيـن هـذي وبيـن ذيـك
إتصالات ولقاءات ومراسيـل وأغانـي

لين غبْـت بْـلا سبايـب وأستمريـت أحتريـك
وعشت وهم أعانقك في كل لحظـه مـن زمانـي

صرت أشوفك وألْمسَك من دون حتى مـا أجيـك
كلما طالعت لألبـوم الصـور .. بضعـة ثوانـي

وأشعر بإحسـاس يذبـح جِـد .. لكنّـه يُريـك
إنّ أيّة شيء مهما طال .. يبقـى شـيء فانـي

مثل حبك .. قادنـي لمواجـه المـوت الوشيـك
وأكتشفت انّه سـراب وحلـم ضيّـع عنفوانـي

ليتني فيما مضى من عمر ماكنـت أرتجيـك
وليتني ماكنت أحبّ بصدق .. وانّي "دنجوانـي"

إبتليـت بعشقـك .. الله ميـر جعلـه يبتلـيـك
وأنت ماقـدّرت حتـى تضحياتـي يـا أنانـي

شفت لك شوفه جديده وصار لك غيري شريك
وأفترقنا .. وصرت أنا مجني عليه وإنت جانـي

إنصدمت وقمت أعيد الذاكـره واقـرا حكِيـك
واسأل حروف الرساله عنْك .. معقوله نسانـي ؟

قالت اللي كـان يكتبنـي ورمانـي فـي يديـك
قبلها في يدين غيرك .. كـان كاتبنـي ورمانـي

هذا واحد باع غيـرك لجـل يقـدر يشتريـك
مثل ما هالحين باعك لجل يشري شخـص ثانـي

اخي وحبيب قلبي فهد
كـلــمــات رقــيــقــه

لا تــجــود بــهــا ســوى روح تـــخــتـــال رقة وذوق

ســلــمــت ايــديــك ولا عدمناك

تــقــبل احــترمـــي وتــقـديــري

الله يعطيك العافيه
يا العتيبي
ولك مني كل الشكر والتقدير

مروركم شرف لي
يعطيكم العافيه

العتيبي
صح لسانك ولا عدمناك
أبيات في غاية الروعه
يعطيك ألف عافيه
تقبل أجمل التحايا وأعطرها