يابنت خلي التريقه واسمعي زيناخذي كلام(ن) من خوا الراس وافي
حنا تركنا زينة الوجه واللين
للي يحبن الوجيه الرهافي
مجلاسنا ما بين دله ونجرين
واربع طياس(ن) من كبار الصحافي
يزهن من ضرع الغنم والبعارين
ما ينقصن وشربهنه عوافي
وعلومنا هبات ريح ورياحين
في مجلس(ن) للطيب ما هو بخافي
على النقى ومقابل الضيف باهلين
وضحكات سن معهن القلب صافي
والا جمال الخد والقد والعين
هذاك فا محيا مثيلك يشافي
أسوق في وصفه من الشعر بيتين
أصوغهن مكملات القوافي
يطرب لشيلتهن جميل الحجاجين
واما كفن زدناه ويقول كافي
هذاك ذخر البيت ما بين حيطين
من دونه المزلاج والقفل ضافي