السلام عليكم اخواتي الكريمات
تذكرون.... ايام الطفولة الحلوة
تذكرون الاجتماعات في العزايم و الزواجات و الاعياد
تذكرون اللعب و الضحك و حتى الخصام اللي يحصل بيننا
كانت ايااام حلوة
تذكرون الصديقات والاحزاب المعارضة والمتمردات والمسالمات
تذكرون الهوشات الثقيلة و الخفيفة
تذكرون المؤتمرات و المؤامرات البريئة
اكيد كل واحدة فينا تذكر اجمل ايام الطفولة
و تتذكر البنات الصغار اللي كانت تقابلهم باستمرار
و لما كبرنا شوي صرنا نجامل و نتجاهل و نمشي لكن
ناظروا الحين كل واحدة منا في ديرة
تفرقنا اللي تكمل دراستها و اللي انخطبت واللي
تزوجت واللي خلفت و صارت أم
واللي ابوها تقاعد و نقلوا من المنطقة كلها
واللي ظروفها ابعدتها
بسرعة و فجأة كبرنا و انتهت ايام الطفولة الحلوة
وكثرت المسؤليات علينا
و زادت ضغوطات الحياة
هذي تبغى البكالوريوس و هذيك تبغي التعيين
والثانية تبغى أي وظيفة و غيرها تبغى النقل..و واحدة تبغى عيال
والثانية مشغوله بعيالها و بيتها
وووو...
ما اسرع عجلة الحياة!!!
و الحين بعد هذي الذكريات الجميلة اسألي نفسك ها الاسئلة:
كم واحدة تخاصمتي معاها وبعدها افترقتوا؟
كم واحدة باقي في قلبك عليها زعل؟
كم واحدة تتوقعين انها شايلة عليك او زعلانه منك؟
اكيد راح تلاقين عدة بنات بينك و بينهم عداوة من زمااااان؟
طيب صدقيني لو تتذكرين سبب العدواة الاساسي راح تلاقينه تافه و مايستاهل
لكن كبر حجمة مع السنين
ونما مع الجفا و الابتعاد
بس عندك فرصة ذهبية؟
هذه هي الاجازة ابتدت
و المناسبات كثير
و اكيد راح تلاقين من هؤلاء البنات مجموعة
روحي لهم سلمي عليهم و سولفي معاهم
هذي دعوة مني لنفسي و للجميع
خلونا ننسى اللي فات و نبدأ بالسلام على بعضنا
لاتناقشون امور ماضية
تصرفوا و كانها لم تكن
و مرة وراء مرة
صدقوني راح تمشي الامور
لان الحياة فانية
و العمر مرة واحدة
فلا تضيعي عمرك في امور صغيرة
ابدئي انت لتسبقي الجميع الى الاجر بإذن الله
و حتى لو صد عنك بعضهن
فلا تتركي لشيطانها مجالا ان يتغلب عليك كما تغلب عليها هي
حاولي ان تتقبليها ولا تبادليها بالمثل
لانها مهما كابرت لن تنسى انك جيتي عندها
وراح تفكر كثيرا وتسترجع مافاتها
تمنياتي لكن بالتوفيق والسعادة جميعا
الدعوة عامه يابنات
العرض العادي
