ابيات حزينه

تذكرتــك وانا الطير الجريـح مفـــارق الخـلان && ونار البعد وفراقـك تعــل اقصـــى شرايينـــي

انا ادريبــك سـراب ماتطفـي لهفـة الضميان && تذكرتك عـذاب ولـو نسيتـك منـت ناســينـي

ابي اعرف في غيابك ليه شوفي يمتلي دخان && واحس اني لحالي واقرب اصحابـي حوالينـي

حبيبي رحت عني وانت لاراضي ولازعـلان && ياليتـك قلتلـي قبـل الفـراق انـك مخلينـي

رحت وغابت الفرحه ورى ليل من الحرمـان && ورجعت لصوتك اللي كان يملا الكون يدعينـي

اثر نار الجفا صلفه دخيلـك ياعظيـم الشـانانا && ماعاد لي شـوف علـى الفرقـى يقدينـي

بعد فرقاك عشت الجرح عمر العاشق الشفقـان && على بـاب العمـر لامرلـك طـاري يبكينـي

تعرف انك بقلبي وادري انك لشوفتـي ولهـان &&حبيبـي ليـه تقتـل حبنـا مادمـت تغليـنـي

تخفي لوعتـك عنـي تصـد وتبـدي النسيـان &&وتفضح نظرتك خافـي حنينـك لـو تراعينـي

حبيبي تعبت عيوني السهر من عاشق سهـران && تعبت وطال بعـدك والعمـر ماعـاد يمدينـي

غرب ضي الامل قبل الشروق وسادت الاحزان && دروب العمر تسرق فرحتي والحزن يطوينـي

انا مثل الغريق وطاري الذكرى كمـا الطوفـان &&تزيد الجـرح فـي قلبـي وتبعدنـي وتدنينـي

تعبت ومركبي مل السفر وضاقت به الشطـآن && ولالي غيـر حبـك ساحـل يمكـن يرسينـي

حصدت الدمع محصول الفراق ولوعة الهجرانا && لا مني ذكرتك غـرق كفوفـي مطـر عينـي

سحابك يامشاش الملح مايفـرح بـه العطشـان && اموت من الظما والا شربتـك منـت مجدينـي

ينابيعـك تفجـر مـن عيونـي كنهـا بركـان &&توطي عزتـي تختـال مـن جفنـي لكفينـي

بعد ماغرق عمري فالحزن ضاقت بي البلـدان && وشفت الموت في كل الدروب وقلت انا وينـي

انا مليـت ..مليـت العـذاب وقلبـي المليـان && بهم صاب من هجـر الحبايـب مقتـل سنينـي

يأست من الفرح في موسم فيه الامـل كسـلان && رفعت الرايه البيظا لحزنـي وارتمـى فينـي

وعرفت اني بعد فوت الاوان العاشق الخسران && ودريت ان اصدق وعود الهوا ماعاد تروينـي

رجعت بحسرتي كلي جروح مكسر الجنحـان && وسال الجرح دم وشفت وجهك فـي شرايينـي



اتمنى تعجبكمـــــ ولد الحبي ــــــــــــــ

اخي العزيز هذه ثالث مشاركة شعرية كلها حزن *حزن

تفاءل ياخوي شكلك منصدم في غالي وحسيت انك بتفقده لذا تتأثر بالقصائد الحزينه لعلها تخفف عنك

خلك جلد وعلى مثل وراك وراك حتى تحقق مناك

احببت فقط استثيرك

عساك عالقوة وماتفقد ولا تحزن على غااالي

مشاركاتكــ كلها رائعــــــــــــــــــــــــــــــــــــــــــــــ ـــــــــــــــة ومشكور

تسلم يالغلا

بصراحه اسعدني مرورك

ولا ننحرم منك يارب

تفاءل ياخوي شكلك منصدم في غالي وحسيت انك بتفقده لذا تتأثر بالقصائد الحزينه لعلها تخفف عنك

لا بس انا احب الاشعار الحزينه

الله لا يجيب الحزن
بس ابيات رائعه من شخص رائع
والاروع لو ذكر اسم الشاعر حفاظاً لحقوق المنتدى وحقوق الشاعر
لك منى كل التقدير والاحترام
وتقبل مروري

الله لا يجيب الحزن
بس ابيات رائعه من شخص رائع
والاروع لو ذكر اسم الشاعر حفاظاً لحقوق المنتدى وحقوق الشاعر
لك منى كل التقدير والاحترام
وتقبل مروري

مشكوور اخوي ابو نايف

والله انت لرائع