كذبه صغيره من اجل الحب

	بسم الله الرحمن الرحيم هذي قصه بنت اسمها سارا مدمنه على ألنت وكانت ما تسكر ألنت إلا الساعة 1 بالليل :msa (48): في يوم من الأيام أضافها واحد ومسمي حاله ( الامبرطور ) المهم مر أسبوع وهي ودها تعرف مين هذا بعد ثلاثة أيام دخل هو الماسنجر وشافته طبعا انبسطت عشان بتفتح تحقيق هو : الامبراطور : هاي سوسو : من أنت سوسو :: ومن وين عرفت ايميلي وش حقه أضفتني و مين أعطاك الايميل...الخ الامبراطور :: بسم الله شوي علي سوسو : سلامتك ماني صارعتك يالله بسرعة جاوب الامبراطور : ليش أنتي بنت سوسو : أي عندك مانع الامبراطور : لا بس إنا غلطان أختي لأني كنت بضيف صديقي وطلع الايميل غلط سوسو : وليش تغلط اعمي ماتشوف الامبراطور : أختي قلنا آسف عن الغلط من البداية ماسكتها تحقيق معي سوسو : اجل تضيف بنات الناس وما تبغا حد يحقق معك والله شباب فاضي ماعنده سالفة الامبراطور : أقول أختي فرصه سعيدة وآآسف مرة ثانيه وممكن انك تحذفيني أو تحضريني إذا مش عاجبك الوضع سوسو : يعني ايش تقصد الامبراطور : اقصد مع إلف سلامه سوسو : ليش ما اعتقد كلامي يزعل الامبراطور : لا بس أنا مشغول شوي باي سوسو : لحظه لحظه الامبراطور : هلا تأمرين بشي سوسو : لا سلامتك بس ماقلتلي ايش اسمك : الامبراطور : هههه ليش مهم سوسو : وليش الضحكة ما اعتقد كلامي يضحك الامبراطور : لا أبدا لكن كلامك بالبداية غير وهذا غير سوسو : طيب أسفه على السؤال باي الامبراطور : باي ** :msa (14): وضلت سارا حاقدة عليه لأنه استفزها وما أعطاها وجه ومر يومين وماشافته بالنت طبعا مدة طويلة لوحدة طول وقتها بالنت المهم لما دخل على الماسنجر على طول هي إلي بدت الكلام سوسو : مرحبا الامبراطور : مراحب سوسو : كيف الحال الامبراطور : بخير وبعد صمت طويل سوسو : أسفه الظاهر انك مشغول وأنا عطلتك الامبراطور : لا أبدا حبي لا كن أنا اشتغل على البحث حقي وما ادخل الماسنجر كثير سوسو : وشو حبك حبتك القرادة قول إنشاء الله الامبراطور : وش فيك انقلبتي سوسو : بس بأي صفه تقول حبي سوسو : الشرهه على أنا إلي أكلمك الامبراطور : سوري آنا آسف وحقك علي سوسو : سوري ولا لبناني مايهم وهذي آخر مرة تقول ذا الكلام الامبراطور : طيب يا صاحبة السمو أوعدك ما أعيدها سوسو : الـــله أعجبتني كلمه صاحبة السمو كذا الكلام وإلا بلا ش الامبراطور : خلاص من اليوم ورايح راح أناديك صاحبة السمو وش تبغين أكثر من كذا سوسو : طيب أنا ايش أناديك الامبراطور : هههههه حلو ذكائك أنا ناديني باسمي خالد سوسو : واااو اسمك جنان حلو مرره حلو موا مثلي طاح حظي الامبراطور : كل واحد اسمه حلو ولايق عليه سوسو : ليش موا حاب تعرف ايش اسمي الامبراطور : على راحتك إذا حابه تقولي قولي وإذا موا حابه اكتفي بصاحبة السمو سوسو : طيب كم عمرك شكلك موا كبير الامبراطور : عمري 25 سنه سوسو : العمر كله بس صغير سوسو : على فكرة أنا اسمي سارا وعمري 18 سوسو : أقول وش رأيك أنا معي شله بنات نضيفهم بالمحادثة وندردش الامبراطور : لالا أنا مثل ماقلتلك عندي بحث ولازم أخلصه الامبراطور : باي سوسو : براحتك باي ×× :msa (35): وضلت سارا دوم تفكر فيه وبعدها ضل لمدة ثلاثة شهور ما يدخل ألنت البنت جنت وقالت أكيد شاف له شوفه ثانيه وضلت تفكر فيه لأكنها كانت تقول دوم هو غير الشباب إلي بالنت هو غيرهم كلهم واحد ثقيل مايهمه البنات كثير وبعد أسبوع.... ×× الامبراطور : يا مساء الخير والإحساس والطيبه سوسو : آهلين وينك يالقاطع الامبراطور : سلامتك لكن الاختبارات ماترحم وهذي آخر سنه لي سوسو : الله يوفقك الامبراطور : وحشتني مووت سوسو : أنت أكثر الامبراطور : صدق تتكلمين ؟ ما اعتقد سوسو : والله ما اقدر على فرقاك جد أتكلم شوف لك صرفه الامبراطور : خلاص أنا عند حل يرضي كلا الطرفين سوسو : ايش هو ؟ الامبراطور : ايش رأيك أعطيك رقم جوالي وإذا حبيتي تشوفيني بالنت أو وحشتك مثل متقولين أرسلي بس رسالة لي سوسو : نعم نعم نعم لا منت صاحي ولا تفكر بيوم إني مثل البنات إلي أنت تكلمهم أنا بنت ناس ومتربية وو ..... الامبراطور : والنعم لكن أنا ما قلت بكلمك قلت أرسلي رسالة و يصير خير سوسو : خلاص غير الموضوع بسرعة الامبراطور : اوكي لكن هذا رقمي إذا حبيتي تشوفيني مرة ثانيه بالنت أرسلي بس رسالة ×××××××× سوسو : طيب باي الامبراطور : باي ×××××× :msa (4): طبعا سارا أخذت موقف من خالد لأكنها ولشدة فضولها سجلت الرقم المهم بعد كم يوم اشتاقت تكلمه أو بالأخص عندها موضوع حبت تقول له عنه فكرت وفكرت ايش تسوي أو كيف تشوفه بالنت فقالت لنفسها : ليش ما أرسل له رسالة مثل مقال هو ما بيكلمني ولا أنا راح اكلمه المهم كتبت برسالتها (( خالد معليش لو سمحت تدخل النت ضروري )) المشكلة انه مارد عليها ومرت نص ساعة على ذا الوضع انقهرت البنت وأرسلت رسالة (( معليش آسفة على الإزعاج )) وكرهت نفسها بعد هذا الموقف أنها تصورت انه مطنشها وبعد ايام (( شافته بالنت ولا كلمته وضلت على هذا الوضع ربع ساعة )) ملت وتنازلت وبدأت هي بالكلام ××××××× :msa (22): سوسو : السلام عليكم الامبراطور : هلا والله سوسو : لو سمحت احذفني من عندك وما عاد أشوف رقعت وجهك بالماسنجر الامبراطور : اللهم سكنهم ايش إلي صار سوسو : بعد الحركة إلي سويته معي ماودي أكلمك أو حتى أشوفك بالقروب حقي الامبراطور : ليش لأسمح الله أنا ايش سويت سوسو : لا أنت برئ ما تسوي شي الامبراطور: بس ايش الي سويته ابي اعرف سوسو : بس طنشتني وأنا كنت محتاجه لك ذاك اليوم الامبراطور : أي يوم سوسو : اقصد الرسائل إلي أرسلتها لك لا تستهبل خويلد الامبراطور : آآآة تقصدين حقت ألنت سوسو : أي هي ليش ما دخلت ألنت أو حتى قلت انك مشغول الامبراطور : لا عمري أنتي فهمتي غلط أنا افتكرته واحد من الربع مطلع رقم جديد سوسو : لا بس أنا آسفة وهذي آخر مرة كانت لحظه طيش الامبراطور : عمري لاتقولي هذا الكلام وثاني شي أنتي قلتي انك ماتبغين الرقم آخر مرة شفتك فيها سوسو : طيب قلت لك إنسا الموضوع الامبراطور : طيب ايش هو الموضوع المهم إلي كنتي تبغين تقولينه سوسو : خلاص ماله داعي الامبراطور : بتقولين ولا كيف ؟؟؟؟ تراني عصبت سوسو : كل مافي الموضوع أن أنا خطبني محمد ولد عمي طيب وأنا ما أحبه ولا أطيق أشوف رقعت وجهه وأهلي موافقين كلهم وأخاف ارفض وعمي يزعل من بابا الامبراطور : والمطلوب سوسو : انصحني الامبراطور : شوفي أنا ماني سريع بالكتابة يعني راح اتصل عليكي وأقولك رأيي لان الموضوع باين عليه طويل سوسو : لااااااااا مجنون أنت الإمبراطور : يابنت الناس ماني مآكلك وثاني شي أنتي لاتتكلمين أنا بس إلي راح أتكلم اوكي سوسو : وبعد تفكير طيب لكن أنا مابقول ولا كلمه الإمبراطور : اوكي ×××××××× بعد ثواني تررررن ( نغمه راشد ) خالد : الوو مرحبا سارا :...... (صامته البنت تستحي) خالد : طيب قولي مرحبا أنا كذا ما اعرف أكلمك وأنتي ساكتة يعني كأني مجنون اكلم نفسي سارا : (( بلا شعور )) لا سلامتك خالد : الله يسلم لي ها لصوت الحلو سارا (( لاتعليق )) خالد : اوكي ماراح أطول عليكي أنتي قلتي انك ما تحبينه ممكن اعرف السبب سارا : ضروري تعرف خالد : أكيد عشان أقولك رأيي سارا : (( طبعا بلا شعور )) لأنه واحد معقد وتافه وما عنده سألفه خالد : يمه î3نك كذا على طول خليتيه معقد ؟ أكيد في سبب سارا : لا بس من طريقه كلامه وأسلوبه وثاني شي شايف عمرة مدري على ايش كأنه مافي حد درس جامعه غيرة خالد : يعني المثقف عندك معقد أو مغرور خالد : أنا طيب مهتم بدراستي فوق ما تتصورين سارا : لاااااا عاد أنت غير خالد : من أي ناحية سارا : كلك على بعضك حلو خالد : احم احم خالد : كله من ذوقك يا عسل سارا : تسلم (قالتها بكل خجل ) خالد : المهم إذا كنتي لهذي الدرجة ما تحبينه خلاص ارفضي والي يصير يصير سارا : طيب ممكن طلب خالد : آمري سارا : ممكن ترسلي صورتك خالد :هههههه لا طبعا سارا : طيب أسفه خالد : لا عمري لا تزعلين لكن أنا من جد مش وسيم وأخاف تنصدمين سارا :طيب أوصف لي نفسك خالد : احم احم طبعا أنا قصير اسمر شعري كشه على قولكم انتووا البنات سارا :ههههههههه أيش دعوة خالد :طيب هذا ابن عمك حلو سارا : ياي يجنن تخيل طويل وابيض عيونه عسلية وشعرة ناعم مثل جواد العلي خالد : هههههه هذا إلي قاطع قالبكم يا البنات جواد وطقته سارا : لا بس مأشاء الله عليه كثير وسيم يمكن أحلى مني بعد خالد :ليش أنتي مش حلوة سارا : لا قمر واحلي من القمر بعد لكن أنا متواضعة خالد : هههههه واضح متواضعة سارا : اووو خالد الساعة 2 الوقت سرقنا وأنا عندي بكرة مدرسه خالد : اوكي عمري ما أطول عليك لكن بكرة بس اجلس الصباح راح أدق عليكي اوكي سارا : اوكي مع السلامة خالد : تصبحين على خير ××××××× :msa (30): جلست سارا الصبا ح وهي متأخرة على الدوام وطبعا أعطوها حرمان من الحصة الأولى جلست بالساحة تفكر بخالد وفجأة رن الجوال ( نغمه راشد( خالد : الو سارا : الوووو خالد : يسعد لي ها لصباح سارا : هلا والله الطيب عند ذكره خالد : مشاء الله كنتي تفكرين فيني ولا كلام بس سارا : أنت ايش شايف خالد : ما قلتيلي ماعندك كلاس الحين سارا : لا عندي بس حرموني منها لأني رحت متأخر خالد : اوووف معاش من يزعل عمري وضلت سارا وخالد على هذا الحال كل يوم تكلمه ولا تفوت أي شي إلا وتقوله له ورجع في يوم من الأيام ولد عمها وتقدم لها للخطبة لا كن أهلها هذي المرة غصبوها على الموافقة ووافقت بعد تردد وتفكير طويل واتصل خالد : الووو عمري كيف الحال سارا : هلا حياتي كيفك خالد : تمام سارا : خالد بقولك على شي متعبني خالد : ايش هو ليكون تعبانه أو مريضه سارا : لا حياتي لا كن ولد عمي رجع خطبني مرة ثانيه وأهلي غصبوني عليه خالد : طيب يعني ايش سارا : يعني أنا وافقت عليه وصار خطيبي وبعد أسبوع كتب كتابي عليه خالد : طيب تحبين أخطبك سارا : أنت تتمسخر ( تقولها وهي تبكي ) خالد : لاعمري لكن ليه تبكين سارا : لأنك آخر واحد فكرت انه يتمسخر علي خالد : طيب أقولك على سري إلي ماقلته لحد قبلك سارا : ايش هو خالد : أنا كمان خاطب بنت قريبنا سارا : ايش وليه ماقلتلي لهذي الدرجة أنا رخيصة ووو... خالد : أنتي وش فيك صبر علي خالد : آة وعلى فكرة اسمها سارا وعمرها 18 وهي بنت ولا كل البنات سارا : ايش تقصد ؟ خالد : اقصد ياعمري إنا اسمي محمد ولسه متخرج وخاطب بنت عمي سوسو سارا : (بدون شعور سكرت بوجهه ألسماعه ( المهم بعد ماعقد قرانهم اجا عشان يشوفها ويجلس معها هي كانت تبكي وتقوله ليش سويت كذا فيني حرام عليك قالها لأنك كنتي ماتحبيني وخليتك تحبيني غصب صح قالتله : صح وتبادلو الضحكات :msa (29): :msa (30): وعشوا حياتهم في سعادة وحب ويارب تكون القصة أعجبتكم وتنول علي رضاكم

شـكــ وبارك الله فيك ـــرا لك لك مني أجمل تحية .

شكرا الساهر
ومشكور علي مرورك

القصه جميل
وان كانت من ظرب الخيال
اشكر نور العين
لك اجمل التحايا واعطرها

مشكور ابو نايف