عزاه ياشــــــوق يجي يوم ويروح
مـدري وش الي حال دوني ودونه
الشوق جمرة تحرق القلب ويفوح
من حـــرها شفت العنا والمهونه
لاتستفز القـــلب والقلب مجروح
قلب ليا صــــــديت زادت شطونه
لاقلت لي ببقـــى ولا قلت باروح
ارحم خفــــوق منك كثرت طعونه
ترا الجفــــــا والصد مافيه مصلوح
هذا اللـــــــذي كل العواذل يبونه
العين تبكــــي والغلا صـارمفضوح
والروح راحـــت من عنـاك مغبونه
والحال ناحل واعذب الصوت مبحوح
عزي لمن صارت عظـــــامه تخونه
المعذرة ياشوق لوراحـــــت الروح
مدام وصلك مقفيـــــــات مــزونه
الموت لاجامنك يازين مســــموح
كان الغلا بالمـــوت جهز كـــــفونه
مادام عرق الوصل بالصد مذبوح
اصبــــــر لشــوق قلوبنا يدفنونه
واليا دفنت الشوق اكتب على اللوح
مرحوم ياقلـــــــــب تهاوت ركونه
وافتح دهاريز العزا وانت مبيوح
واقبل عزا الي فيك خابت ظنونه
م/ن