حاولـت اجاريـك فـي صـدك وهجـرانـك

حاولـت اجاريـك فـي صـدك وهجـرانـك

لـكـن قـلـبـي تـظـاهـر وانـقـلـب ضـــدي

يـرفـع عـلـم دولـتـك باسـمـك وعنـوانـك

فـي وسـط ميـدان صـدري قـام متـحـدي

خــان المواثـيـق والبيـعـه عـلـى شـانــك

وشلـون ياقلـب تنـسـى عـهـدك وعـهـدي

ياقـلـب خــل انتـفـاهـم واتـــرك جـنـانـك

لايــــك تــهــور وخـــــل نـحـلـهــا ودي

ارجـوك ياقلـب مـن حسـنـاك واحسـانـك

تعـال واسمـع كلامـي وانـت بـس هــدي

وشـلـون ياقـلـب تكـفـى هــزت اركـانـك

خـلـك شـجـاعٍ وجــاز الـصـد بالـصـدي

ياقـلـب لايــك تــروح وتـتـرك اوطـانـك

أزمــه خفيـفـه تـراهــا شـــوي وتـعــدي

كـل الجـوارح معـي حتـى العـقـل دانــك

شكـلـك عمـيـل ودلـيـل خيانـتـك عـنــدي

ياكثـر مـا جبـت سيرتـهـا عـلـى لسـانـك

وياكثـر مـا قلـت امـوت بخدهـا الـوردي

وياكثـر مـا اسقيتهـا مــن نـبـع غـدرانـك

وياكثر ما اسهرتنـي وايـدي علـى خـدي

ويـامــا فـتـحـت لحبـيـبـك كـــل بيـبـانـك

وياكـثـر مــا قـلـت يـامـا بيـحـت ســـدي

وياكثر ما طيورها حطت على اغصانك

حـتـيـش لـــو انـهــا مـمـشـوقـة الــقــدي

وياكثـر مـا جـت تمشـى وسـط بستـانـك

وياكـثـر مــا قـلـت احـبـك يابـعـد كـبـدي

وياكثـر مـا اهديتهـا مــن ورد ريحـانـك

وياكثـر مـا قلـت روحـي ياخلـف جــدي

يعنـي مصمـم تبـي ترحـل علـى افنـانـك

بـيـنـي وبـيـنــك وانــــا والله بــعــد ودي

تبـي الصراحـه مـا الومـك فـل جنحانـك

طرلـه وانـا بتبعـك لا آرد عـلـى لـحـدي

لا تستطيع ان تلحق
لان العيون التي في طرفها حورُ قتلننا ثم لم تحيي قتلانا
جميل كل الجمال في كل بيت رسم
رائع ابدا لنا شيء من روائعه.

صح لسااااااااانك
شاعرنا أبو نايف القدير
ابيااااات فاخره شامخه
رائعة السبك
والبياااااان
دمت بهذ ا التميز والاجلال