ماعاد للدنيا طعم في غيابك

تصدقين
.ماعاد للدنيا طعم في غيابك

قريبه كنتي وصرتي بعيده والزمن دوار


ورحل طاريك عن كل الأماكن وأقفت اخيوله

كذا جيتي مثل ساحل غموضه يتعب البحار



وكذا رحتى مثل ريشه بمهب الريح محموله




وأنا لا من ذكرتك يشتعل في وسط جوفي نار



ويزفر صدري جروح ٍ بدم الهجر مغسوله




ذكرتك وانتهى الحلم الكبير ومع غيابك طار



ترك خلفك حكايا من حنين وروح مذهوله




سريت وكل درب ٍ فيه طيفك رحت له منهار



ولا ألقى سوى جرح وملامح ناس مجهوله




اراضي مظلمة تعزف اغاني الحزن للزوار



وليل ٍ موحش ٍ بعدك يزيد الضيق من هوله




ترفـّق حيل ياغايب ترى ماللغياب أعذار



ربيعك يلبس ثياب الحداد أن مرّت فصوله




شهر نيسان من بعدك ذبل وأنتحرت الأزهار



ويبس كل الخضار وجفّت الأنهار من حوله




ضمت كل السواني واصبحت كل الدروب قفار



وخَفَتْ,, لون الحياه وليلنا بالحزن ياطوله




فقدك الحي واهل الحي والديره واهل الدار



وطفى نور المدينه واصبحت بالدمع مبلوله





دخيلك وش بقى بعدك من الماضي وحنّا صغار



سوى دنيا كئيبه تحتفل بـالبعد وحلوله

كل الفصول تبعثرت


وكل الوجيه تغيرت
وكل الحياه تبدلت
ومرت ليالينا القديمه في شريط الذكريات
واللي مع الأيام فات
ياصعبها لحظات ,, ياصعبها لحظات
لاحان ميعاد الغياب
وشاعرك ينّطر رجوعك
لين في نفس المكان اللي جمعنا مات ..

مبدع يا ابو نايف

عتاب محب لحبيبه رائع ورائق.... واحاسيس جياشة ..... وعواطف رومانسية...

تقبل مروري

مبدع دائما
فقلمك يعتلي القمه حرفا وخلقا
موضوع رائع من كل بستان اتيت لنا بزهره
بوركت جهودك وسلمت يداك
لك منى أجمل تحية

سريت وكل درب ٍ فيه طيفك رحت له منهار
ولا ألقى سوى جرح وملامح ناس مجهوله