صباحكِ سكر

انا ماكان لي خاطر اوضح عشقي المجنون
جمالك اجبر الشاعر يبين ماقدر بسكوت
دخيلك ارفق بحالي وسامحني أمير الكون
عاتبني على كيفك حرام تقول فات الفوت
عرفتك فاتنة جيلك قمرهم كلهم يخسون
في عيني كما كنتي قلادة عقد من ياقوت
عنادك زين يعجبني ولكن طال يامزيون
هجرتيني تركتيني رميتي سعد بطن الحوت
هنا برد الشتا قاسي وعيني ماتشوف مزون
ضلوعي ترتجي حضنك فديتك البسيني كوت
على حطت يدك ولهان وان غبتي ابد ماخون
على ذاك الفراش اعيد واكرر احبك موت
تعالي نطوي الصفحة ونبداها بحسن ظنون
تحبيني وانا احبك ونعلنها بعالي الصوت

ياحب افهم انك بخافقي شي
وان العيون اللي تحبك سهارى ..

ياضي عين اللي يحبك وياضي
كل الدروب اللي بعيني حيارى ..

انت الذي ما يشبهك بالملا حي
مالوم من سمّاك سيد العذارى..

يابو عيونٍ كل ماناظرت في
اتوه وسط الناعسات السكارى ..

لاشفت وجهك قلت ياحي وياحي
وجهٍ كساه النور مثل النهارى ..

انت الحبيب اللي رويت الحشا ري
تروى بك عروقٍ لحبك تبارى ..

تبسم واترك جروحك على جنب الزمن وارتاح

حرام تطيح من عينك على شان الزمن دمعـه

انا برجوك لاتزعل ولاتزيـد الجـراح جـراح

تبسم واترك جروحك على شانـي بلارجعـه

انا ادري صعب لو تنسى ولاكن الامل مـاراح

ولو راح الامل يبقى في تالي من الالم متعـه

ابيك اقوى من عنادي ولو جاك الكلام رمـاح

وابي تشعل من جنونك على طاري الغلا شمعه

وابي تذكر ليالينـا ليالـي شوقنـا الفضٌـاح

وابي تسهر على شاني وتذكر ليلـة الجمعـه

ابي تذكر الى منه كمـل بـدر الجنـون ولاح

اجي وتسابق جنوني خطاوي شوقي السرعـه

كأن الروح بغيابـك بقايـا ساكنيهـا اشبـاح

وكأن القلب من بعدك غريق ويطلب الفزعـه

احبك والغلا يترجـم جنونـي والغـلا ذبـاح

غرامً يكشف شعور الجنون ومسألة وضعـه

كتبت الشعر لعيونك لقيتـك للقصيـد وشـاح

لقيتـك حروفـي سوالـف عشقـي ونبعـه

ابيك اقوى من جروحك تحدى هالزمن وارتاح

لان الدنيا ماتسوى على شان الزعـل دمعـه

مصير اللي مقاطعني
يجي يوم ويوصلني
ولو في اخر ايام
يجي ويعزي اخواني

الى منه خمد غلاك
ومات النبض بعروقي
تاكد ماني فوق الارض
كثر ما الارض هي فوقي.