شخصيه كرتونيه كنتي تحبينها ؟؟
هايدي (( ياحلوها وحلو صوتها \))خاصة في الجبال مع جدها ومع بيتر
من زمان وانا احلم بجبال الالب
والى الان لاشفتها انبسط واحب اقلدها احيانا
كيف كنتي ايام طفولتك شيطانيه ولامؤدبه ؟؟
انا اشوف نفسي مؤدبه جدا بس احب اللعب
والوناسة والاختراعات خاصة اذا قيلت امي في الظهر نبدع انا وبنت عمي
ماهي الموقف اللي عرضتِ فيها اهلك للاحراج؟؟
لا مافي فرصة
هل كنتِ شخص ذو شخصيه قويه أم مغلوب عليه ؟؟
لا شخصية قوية ودايم مترئسة اخواني وابناء عمومتي
واروح البقالة واشتري كرز بالكيلو وابيعه عليهم بالحبة
الى الان يفتكرون الموقف هذا ليا
اكبر عيديه جمعتيه كم ؟؟ ومن مين ؟؟
ياكثر مالملمنا عيديات بس اكثرها ريالات وخمسات وعشرات بس اكبرمن كذا ما حصلنا
وما انسى جدتي كانت تخلط القروش بالحلاوة التوفي وتفرش شرشف وتقعدنا علية وترشنا بالحلاوة وهات ياهوشة كل واحد منا يبغى يلم اكبر قدر من القروش والحلاوة ولازم احد منا يزعل
يووووووه ياحلا رجعتينا لايام كلها براءة
يوم كنتي صغيره تسوين جدايل والا كاريه
ويييييه ياحلااكيد ضفيرتين واذا يوم بنسوي شياكة سوانا ذيل حصان
::::
يوم كنتي طفله تلعبين بكمبيوتر العائله ؟؟
كنت العب بس دائما غشيمة وانغلب
والى يومك هاذا ما احب الالعاب الاكترونيه بالرغم كل يوم احمل في جوالي العاب وامل منها واحذفها
بس كنت العب مع جدي لعبة الضومنة وكنت افكر تفكير رياضي سليم وانا لسا في الابتدائي
والعب مع اخواني الكيرم (( واي قد ايش احب اللعبة هاذي وياما خلصنا بودرة اخواني الصغار عليها ))
يوم كنتي تلبسين مريول المدرسه هل تحطين شباصات ميكي ماوس وشرايط بيض ؟؟
اكيد شرايط بيضاء
واحيانا ابيض وازرق في اولى ثانوي
براءه ياعمري
من كـان يدلعك أكثر أبوك ِ او أمك ؟
احلى دلع ادلعته مع ابوية الله يرحمه ولا عمرة قلي لا والا حتى هاوشني
ومن المواقف اللي ما انساها له وانا رابعة ابتدائي في رمضان امي صومتني وجاء ابويه من العمل ومعاة فطور لاخواني الصغار وانا جيعانة قال تعالي يادنوخ كلي طالعت في امي وانا خايفة قال لا اليوم بنكافئك عشان صمتي نص نهار كلي بعدين كملي الى الان طعم العنب اللي جابه في بالي
وموقف ثاني لمن دخلت المتوسط بس يكلمني انجليزي [ وت زيور نام ]
اما امي علقة في الطالع وعلقة في النازل الله يشفيها ويعافيها
اســم دلعك بالطفوله لحد الان ينادونك فيـه ؟؟ وماهو ؟؟
دنوخ
الى الان كل اقربائي وصاحباتي القريبات
بطفولتك كنتي تبكين إذا ماجلستي بالاول بالطابور اوالفصل
؟؟
لا ماكنت ابكي بس اخاف لمن كنت بالابتدائي
لكن بعد كذا صارت المدرسة وناسة
واحب اجلس ياقدام يافي الوسط
عندك لعبه موجوده من صغرك إلى الآلآن ؟ وماهي ؟؟
هين لاوالله ماعندي بس افتكر ان العابي كلها العاب اولاد لاني الوحيدة البنت مع اخواني وماجات لي اخت الا وانا في التوجيهي
وكان ابويه يجيبلنا النجدات اللي بالحجارة اللي لا شغلتيها يشتغل الونان ولونها ابيض وازرق
او الدراجات وكنت ماهرة فيها بس العب فيها بالسطح
وش اكـثـر حلاوة كنـتي تحـبينها ..؟
بسكوت ابو الرز (( توفي كرسبي )) وكمان باونتي لمن كان بكرتون ينسحب والكتكات لمن كان بقصدير ياكانت فيها لذة احلى مليون مرة من الحين
وكمان حلاوة ماكنتوش اللي مرسوم عليها عرسان راكبين عربة
اما الحلاوة اللي كنت ما اطيقها والى الان مااحب شوفتها حلاوة عسلية ام قرطاس اصفر مرسوم علية خلية نحله
وش اسم اول مـدرسه درستك ..؟
خضرا
الله يقلعها
كانت شديدة معانا وتحط وجيهننا للسبورة وترفع ايدينا لفوق وجنب الفصل بلكونه مقفلة تهددنا تودينا فيهالان فيها فيران
هـل كـنتي تـعانـين مـن اخـطاء فـي مخـارج الحـروف
اخطاء مافي
بس ما في حروف
احس مخرجها كلة واحد
كان صوتي مبحوح ولازم المعلمه تدخل اذنها في فمي عشان تسمع وش اقول
ههههه
شكرا ياحلا على الموضوع اللي انعشتي فيه الذكريات الحلوة
بعد ما اخذت الدنيا منا الكثير
وابقت لنا المسؤلية والحياة التي تملائها الماديات