فدوى الديار

فدوى الديار اللي اجيها بـلا ثيـاب
من غيركم يـا دار يغسـل ذنوبـي

بلسم عيوني مداويـة كـل منصـاب
من غير مكـة فـي حنايـا جنوبـي

من مثلها تلوى لهـا روس ورقـاب
من مشـرق الدنيـا لحـد الغروبـي

هذا عطرها فاح بـه بيـت وقبـاب
فـارع منايرهـا يشـق الهبـوبـي

يا فاضله جاها من الوجـد خطـاب
كلٍ يـدور مـن حمولـة هروبـي

جيتك توالي لليل فيـه القمـر غـاب
شايل هموم وحزن من كـل صوبـي

بيدي القيود مصالي ٍ حـر الأسـلاب
ودي العنا و الغم بأرضـك يذوبـي

لما نظرتك سـال بالدمـع سرسـاب
غطت علـى فرحـة لقانـا عيوبـي

أنا الخطأ وأنتي لي الستر وحجـاب
رحلة ضنى وكنتي اصـدق دروبـي

أبث لك بؤسي و اشكي لـك أسبـاب
و أذب عن صدري سمـوم اللهوبـي

تدرين وش الزين في ملاقى الأحباب!
إني أجيك بشوق ما نـي مغصوبـي

يا رب لا تحرم عبادك مـن البـاب
اللي انثوا به خلق مشـي وركوبـي

ابو نايف ...صح لسانك ...روعه بارك الله فيك
ولافي اجمل من اطهر بقعه بالارض مكه المكرمه



يعطيك العافيه...تقبل احترامي ...وشكري

مشكووووووووووووور

والله يعطيك ألف عافية

عندما تفتح زهور الأبداع
فاح عبق أزهارك في أرجاء المكان .
كنت هنا أداعب لحظات الشوق في غياب الحضور
لقد لامست أطراف الجرح بإبداع .
لا تحرمنا هذا التواجد .

كل الود لك ..