ياذيب انا بوصيك لا تأكل الذيب= ==كم ليلة عشـاك عقب المجاعه

15-08-2008, 03:31 AM

شالح بن هدلان يرثي ابنه ذيب :
ياربعنا ياللي على الفطـر الشيب=== عـز الله إنه ضـاع منكم وداعـه
رحتوا على الطوعـات مثل العياسيب===وجيتوا وخـليتوا لقلبي بضـاعه
خليتوا النـادر بدار الاجـانيـب===وضـاقـت بي الآفــاق عقــب اتســاعه
تكـدرن لي صـافيات المشـاريب= ==وبالعون شـفت الـذل عـقب الشـجاعـه
ياذيب انا بوصيك لا تأكل الذيب= ==كم ليلة عشـاك عقب المجاعه
كم ليلة عشـاك حرش العراقيب= ==وكم شيخ قـوم كزتـه لك ذراعـه
كفه بعـدوانـه شنيع المضاريب===ويسقي عــدوه بالوغي سـم سـاعـه
ويضحـك ليا صكت عليه المغاليب ===ويلكد على جمع العدو باندفاعــه
وبيته لجيرانه يشـيد على الطيب= ==وللضيـف يبنـي في طـويل الرفاعـه
جـرحي عطيـب ولا بقى لي مقاضيب ===وافخت حبـل الوصـل عقـب انقـطـاعه
كنـي بعد فقده بحـامي اللواهيب=== وكني غريب الدار مـالي جـماعـه
من عقب ذيب .الخيل عرج مهاليب ===ياهـل الرمك ما عـاد فيهن طمـاعــه
قالو تطيـب وقلت : وش لون ابا طيب= ==وطلبت من عند الكـريم الشـفـاعـه