اللي كسيـــرِ القَلــــب يا كيــــفْ جَبـــرَه

مدخل
أصبرْ و أَداري كِل ضيقَه و خَنقَه
و أحجِب عيونْ النّاسْ دونْ إختنَاقي


كلّه سبَايِبْ مِن خَذا القَلبْ سِرقَه
وسعْ الفضَا مِن ضِيقَه الزّينْ ضَاقي


أنَا ليَا مِن ضَاقِ صَدرَه و خِلقَه
هَم الزمَن ضيَّقْ عَلَيْ الخنَاقي


أفرَح لـ فرحَه و الفَرح نوضِ برقَه
و أشري سعَاده خَاطرَه بـ إحتراقِي




‘‘‘‘‘‘‘‘
غنّيت أنَا مِن زايِد الضّيق موّالْ
لينْ إنقطَع صوتِي مِن أسبَاب عَبرَه


ويلاه أنا من ضيقَةٍ تبري الحَال
مَا فاد صبر القَلب و إن زاد صَبرَه!!!


يَ صاحبي بنشدكْ و الدّمع همّالْ
اللي كسيرِ القَلب يا كيفْ جَبرَه


خَلَّ الدّهر قَلبي للأوجَاعْ مدهَالْ
و ضيّق على طيرْ المَعاليقْ وكرَه


يا طير كَان الدّمع في خافقكْ سَالْ
شُوف القَلم سيَّل مِن الضّيقْ حبرَه


نَكتبْ قصَايِد عَلّها تَطربْ البَالْ
و إثر القصَايِد للمواجيع نَبْرَه


مَد الزّمَن مِن صَالي الضّيقِ فنجَالْ
و مَا عَاد بـَ الموضُوع يَ هيهْ دبرَه


إمّا اتقهوَى مِن عنَا الوَقتِ و أحتَال
و الّا نصومْ و نتركْ الوَقتْ يشرَه

‘‘‘‘‘‘‘‘‘‘‘‘




الـ مَخرج ؟


مَا ضَاقتْ الدنيَا لو تضيقْ الأنفَاس
و أنَا أحمد اللي بـ القنَاعَه غَمرني

و أنَا أدري إن النّاسْ يَ وقتي أجنَاس
لا تختبر عَزمي و لا تختبرنِي

و اللي غيَابَه يتركْ لرجعتَه يَاسْ
عَاده ليَا مِن ضَاق صَدرَه ذكرنِي

بيدري إنّي بالغَلا صَداقْ إحسَاس
و بيدري إنّه مِن سواتَه خسرنِي

تخذلني ضنوني و انا أقولْ لا بَاسْ
و ما الله على طَرد المقفّي أمرني



مما رآق لـي ...
وياليـــت تعجبـكم ...
تحيــــــاتي لكـــم ...

سلامتك ياقمر من الضيقه
الله يعطيك العافيه حلا
قصيده رائعه وأختيار أروع
لاعدمناااااااااك

ماأجمل تلك المشاعر التي
خطها لنا قلمكِ الجميل هنا
لقد كتبتِ وابدعتِ
كم كانت كلماتكِ رائعه في معانيها
فكم استمتعت بموضوعك الجميل
بين سحر حروفكِ التي
ليس لها مثيل

بنت الديره
الله يسلم قلبك ,
مرورك رائع كروعتك
لآعدمتك يالغــلآ
‘‘

ابو نايف
يعطيك ألـف عافيــه ع المرور
شكري وتقديري
‘‘