ادعوا لوالدي بالرحمة..

سنين وسنين ولكل واحد منا موقف حزيز
ولكل شهر ذكرى اما ان تكون حزينة اوتكون سعيدة
ولكل يوم موقف ولم اجد في حياتي اشد من فراق ابي .
ـــــــــــــــــــــــــ
وتمضي رحلة الدنيا.. بليـّا طلعة عـيونك
تبي تدري عن احبابك عن عـيون ٍ تغنى بك
عـن قـلـوب ٍ دفـنها الشوق .. و إذا جاها الغـفا جابك
يـبا حنـّا وصرنا كبار.. توفـقنـا .. تخرجنا
على ذاك العهد نسري.. نبيع العمر والدنيا... ولا تخلف بنا ظنونك
تـبي تدري عن أخباري عن أفكاري وتذكاري؟
أشيلك داخلي جمرة ... وبعـيون الحزن عـبرات .. تغـرقـني وتحرقـني
أشوفـك نجمة تجـبر مراعـيها يراعـيها
أشوفـك للرجولة رمزإذا شدّ الزمن تـقسى
أحسك مـقبـل ٍ بكره... وعيـّا لا يجي بكره
يـبا.. تذكر مجالسنا مقـلـّطنا ومجلسنا ؟
وحارتنا ومسجـدنا
يـبا تذكر هدايا العيد صلاة العيد وبشت العيد
يـبا تذكر سوالفنا لاجل هذا وكل هذا
أقول اليوم يا يـبا
مـلـل هالكون من دونك .. مـلـل هالكون من دونك.
ــــــــــــــــــــ
ادعوا له بالرحمة والغفران.

اسال الله لهم الجنه ورحم الله موتانا وموتا المسلمين
بارك الله فيك يالمعتصم بالله
صح لسانك لاخلا ولاعدم
القصيده بمنتهي الروعه والجمال ولاتخلى من الاحزان اسال الله لنا ولكم السعاده
بالدنيا والاخره ....مجهود تشكر عليه سلمت يداك ونتظر ابداعك القادم
تقبل احترامي ... وشكري

اسأل الله له المغفرة والرحمة

وان يسكنه فسيح جناته

انه ولي ذلك والقادر عليه

جزاكم الله خير الجزاء ومتعكم بالصحة والعافية
اشكركم من كل اعماق قلبي .
( الناقد / ابوخالد)
لكم اطيب الاماني ودمتم بخير.

رحمه الله رحمتنا واسعه وأسكنه الفردوس الأعلى
صح الله لسانك شاعرنا لاهنت
تقبل صادق الود والأمنيات