علام المزن ياسعد يتجاهلنا ومر بعيد
كأنا ماترقبنا هطوله بأول الوسمي
عجيب أمره حقآ عجاج وكل يوم يزيد
ونستسقي ولكن للاسف ماصاب من يرمي
ليا جانا الرخى سرنا وغنينا يادانا العيد
ولا ذكرن ولاشكرن ولاعند البشر فهمي
ولا ضاقت بنا الدنيا دعينا من غبر وجديد
أيا رباه تسقينا وياعل المطر يهمي
نبي نرسي على التوبه ونعلنها مع الترديد
كفايا ذنوب ياقومي ترى كثر الخطا يعمي
نبي نشرق على الدنيا ورايتنا على التوحيد
نبي نصبح أسود الأرض نمحوا آفة الظلم
نبي مابي أقول إنا نبي شين على التحديد
نبي نرقى مراقيب الفخر بالحرب والسلم
كفايه قولة إناياعرب نفتن بذات الجيد
الامن شقرت يحري بقولة: هي ، لأجل: سمي
وياخذ ثم يعطي ويتغزل في جمال الغيد
كلا الإثنين مفتونن ،،،يشين الحال ياعمي
كفايه إن خشم العُرب مدقومن مع التشريد
فلسطين وعراق وطفلتن تصرخ: ابي امي
ياليل الظلم ياطولك متى فجرن يجي بجديد
متى نفتح قناديل النصر ياذيب ونسمي
علام المزن ياسعد يتجاهلنا ومر بعيد
العرض العادي
