مجبور يا قلبي على بعد الاحباب

قصيده نظمتها في احدى الليالي الخوالي تحكي قصة عشق دفن في مهده

مجبور يا قلبي على بعد الاحباب=وإن ما يطيع البخت يا قلب مجبور
مجبور في وقت لنا ما فتح باب=من عادته يكسر لنا قلب مجبور
حبيت والي حب يدري بالاسباب=يدري الى من الهوى قيل محظور
يدرى معاني قصته دون الاهداب=لو كان خله في حناياه محضور
يدني سما تاج المحيا والاجناب=ويسمي الدنا لا جى نداها مع النور
وانا الندى مافاد ياسيد الاصحاب=ناديت هيها يسمع الصوت مقبور
سبع شهد مع سبع نهش بالانياب=روحه زكى من قبل يلقاه بعصور
هبهب هوى لا مذهب قوس مذهاب=من دار من داره يدنّى من الدُور
لا صار بارض الغير تطناه الاغراب=وان دار شور ما يبدى له الشور
وإن جارت الايام لا ماله اقراب=وإن زلت الخطوات ما تاسع صدور
ياجعل من لايطرب القلب مشعاب=يشعبه من عالي جبينه للاضفور
ويا جعل حب ما يطوع لي رقاب=ينبل مثل نبلة غرير ورى السور
ويا جعل شعر ما اتلاعبه العاب=يجيه في قافه مع اوزانه كسور
سمسم بالانسم دمدم والشعر شاب=للشعر شاب وبلسم السم مقدور
همهم بلاهم لا بلاهم ولا جاب=وان جاب لا يهدم ولا يبني قصور
كمكم بلاكم لا بلا كم ولا كاب=وإنجاب لا يغني ولا يوفي قصور
طمطم براطم يعتلي فوق مرقاب=وابو البراطم في ثرى الطين مغمور
يميم بلا يم والبلايم لها اشناب=واشنا بها طهر تلابس به سفور
لملم بللهم والهم اصحاب الالباب=ولهم قل الي صار ياقلب مجبور

وسلامتكم من العشق الي نهايته مظاربه

طمطم براطم يعتلي فـوق مرقـاب
وابو البراطم في ثرى الطين مغمور


صح لسانك والله يكفيك شر المضاربة...

المشاركة الأصلية كتبت بواسطة ابوسامي

طمطم براطم يعتلي فـوق مرقـاب
وابو البراطم في ثرى الطين مغمور


صح لسانك والله يكفيك شر المضاربة...

صح بدنك

والقصيده في ظاهرها غزل وهي تحكي قصه 14 عام وهذا شرح للابيات حتى ما يجي توهان

سمسم بالانسم دمدم والشعـر شـاب
للشعر شاب وبلسـم السـم مقـدور

كراهية من يفضل المجامله بالقول حتى لو بلغ من العمر عتيا

همهم بلاهـم لا بلاهـم ولا جـاب
وان جاب لا يهدم ولا يبني قصـور

كراهية من لا يفيد فيه الطيب او الشر فهو لو حاول فعل احدهما لا يفرق بينهما

كمكم بلاكم لا بـلا كـم ولا كـاب
وإنجاب لا يغني ولا يوفي قصـور

كراهية البعض من ابناء جيل اتكالي همه الاخذ دون العطا وبناء الذات حتى ولو على حساب الجميع

طمطم براطم يعتلي فـوق مرقـاب
وابو البراطم في ثرى الطين مغمور

كراهية من يذم اهل ديرتي ويستعيب لهجتها الطمطمانيه ومن سواهم لا ثقل ولا وزن لهم عندي مقارنه بهم

يميم بلا يم والبلايـم لهـا اشنـاب
واشنا بها طهر تلابس بـه سفـور

كراهية أهل السوء الي يعلى قدرهم من اجل نفاقهم بالرغم من خداعهم المستور

لملم بللهم والهم اصحـاب الالبـاب
ولهم قل الي صار ياقلـب مجبـور

دنو ما سبق والقول موجه لمن كان له قلب يعي

لا صار بارض الغير تطناه الاغراب
وان دار شور ما يبدى لـه الشـور
وإن جارت الايام لا مالـه اقـراب
وإن زلت الخطوات ما تاسع صدور

ابو عبدالله
واين كنت تدفن هالمواهب
سلمت وسلمت يداك
ولا عدمناك
وارجوا ان تتحف هذا القسم بكل ما لديك

سلمت يابو نايف

وما عندي الا القليل من الابيات الي لا تسمن ولا تغني في الشعر

ومشكور على المرور