اسف اعطيك الرضا يامن قتلته في سواتك..!!
واسف يعيش الزعل حل(ن) مثالي في سواتي
جيت لك ولا رماني قلبـي بساحـة خطاتـك
ماوعيت الا نسق سيرك يجرجرلـي خطاتـي
اهـ. يابعد المسافه بيـن شوفـي والتفاتـك
بعد سطح الشمس صوب اقرب مسافات التفاتي
كنت لك مارد غلا يسكـن بمصبـاح امنياتـك
وصرت لي مارد يطفّي كل مصابيـح امنياتـي
بيني وبينك مثل مابين جسمـك مـع عباتـك
تستر عيوبك وهي مسودت الوجـه العباتـي
ياعسا مايصدمك هذا التشابـه فـي صفاتـك
مو مهم ينرفزك عظم المصيبه فـي صفاتـي
للأسف هذي نتيجة ضرب في قسمـة حياتـك
والعدد رقم(ن) لقيته ينتصف صفحـة حياتـي
كنت لك خلطة مشاعر تطبخه فـي مشتهاتـك
ينتهي صبري على نارك وانا فـي مشتهاتـي
لعن ابو حب التفانـي والوفـا فـي ترهاتـك
ولعن ابو عقل ومض عقب المخاض بترهاتي
الغلو بزهـد حبـك عظـم بروحـي غلاتـك
والرظا ببخس ثواب(ن) منك طيّح لي غلاتـي
لين شفت الكفر بعيون المحبه صـوب ذاتـك
قبل لايفني صنم ذاتـك هـوا باوثـان ذاتـي
كنت اشوف الحرف قبل لسانك يلامس لهاتـك
واروي حروفك الضما لجلك وانا يبست لهاتي
اسف ان كان الكلام الحق يهـدم لـك ثباتـك
واسف ان كان الوقوف الهش ضيع لي ثباتـي
لا تحايلني على حالي وتضهـر لـي حلاتـك
يا اخي دور بدالي..من حلاتي..مـن حلاتـي