الــــبـــــدع عــبــدالــواحـــد
ياحدود الجنوب الغالـي ارقـي سنـود وهودنـي
اسم عبدالله ابو متعب وسلطان ابو خالـد ونايـف
واسم من يحمل السيفين والنخلـه فـي جنسيتـه
كل شبر من ارض المملكة يكتسب طهـر وقداسـه
هذا باقـي رفـاة اجدادنـا واهلنـا ماهـو تـراب
ياملكنا على خـط الدفاعـي الامامـي خـذ ولانـا
موتنـا فـي سبيـل الله ماهـو بمـوت الا حيـاة
لبسونـا بـدال وزودونـا بمـأمـون الذخـيـرة
عندك احدى عشر مليون جندي مظلـي صاعقـة
خلنا ننفجر مثل البراكيـن فـي وجـه الأعـادي
ولا نهوي سواة طيور أبابيل في وجـه الحبـوش
ولا ننزف دمانا سيل وابنوا عليها العقـم والسـد
لو فجرنـا جبـل دخـان شـال اليمـن دخانهـا
الــــــــــرد الــشــيـــخـــي
ياصديق العمر من يعتـرف بالغلـط ماهـو دنـي
الدني مستوي بالارض واما انت فوق الارض نايف
كن لون الشفق من نـوع دمـك ومـن جنسيتـه
شوفنا قبل وقت(ن) حارب الاوفياء والحق داسـه
كن بأمن ورخاء لاروح تزهـق ولا قطـرة تـراب
مشكلتنا زمان اليوم ماهـو زمنـك انتـه ولا آنـا
الحيـاء شعبـة الايمـان مـا للكريـم الا حيـاه
الذي تكتفـي شـره يسـرك ولـو مالـذ خيـره
واللي شره قبل خيـره يفاجيـك مثـل الصاعقـة
كلما صار للدنيـا عتـب يرجـع الممتـاز عـادي
تقفل الباب مـن بـرا ويتحـرك المفتـاح بـوش
ان تضايقت من وضع المخدات والـرأس الموسـد
وقـف الجاذبيـة وامنـع الارض مـن طوفانهـا
عبدالواحد: لو فجرنا جبل دخان شال اليمن طوفانها
العرض العادي
