الــبــدع/ابـــو فــيـــصـــل =
انا ياضيف الله اشوفك بعينـي والـف نـون=
وانت مثل اسهيل في وسط السماء نجم النجوم=
جارك الله ياكريم(ن) في صفاته , منت دانـا =
الجمل قـاد القوافـل وانـت قـود القاطـره =
الــــرد/ابــــو ثــــامـــــر =
مرحبا يانجـم فـي كـل المواقـع والفنـون =
شاعرا معروف مـا نجـم بتنجيـم النجـوم =
انت شاعر ساحة العرضه وشاعـر منتدانـا =
تشهد الساحه لفعلـك والصفـوف القاطـره =
البدع=
أهل أبها يقلون فجرنا مـن , السـود العيـون =
وأهل الطائف قالو أصبح زرع وادي وج هشوم =
وانا يا ظيف الله فوق الكف , ما لايمـت حنـا =
اعرف الشغلة , وأقيم الشِعر , واكسر خاطرة =
الرد =
ياعلي لي ولد عم(ن) لو طلب سود العيون =
واخر الهجره لقيت انه خبيث وجه شـوم =
امتحنه الله بكـره النـاس ،الله لايمتحنـا =
انهره لوكان شيخ القوم وكسـر خاطـره =
البدع=
انا ياظيف الله ما بطلب من الهايس معون =
ادري ان الخير له قسمين واما الشر قسوم =
وان زَحمنا الوقت بادور على مثلك وبعنا =
وان تعذر مثلكم باشـقّ ثوبـي واشتـره =
الرد=
كلمة المعروف لهل العرف ولها يسمعـون =
يوم لهل الغرب سوم ويوم لهل الشرق سوم =
ونحن في عز البضايع الله كم نشري وبعنا =
ونت من ذا قاللي سم كل طيـب واشتـره =
=
اهل الفتنة يابو ثامر عساهم يتلفـون =
تركو سد البحر قوم(ن) وسد البر قوم =
لو طاوعناهم يكن لفو علينا وتلفونـا =
شفتهم مثل اليتاما يلعبـون الباصـره =
الرد=
التواصل ياتلاقي يارسايل يتلفـون =
والغلا بيني وبينك مايساوا بالرقوم =
والله انه ما تطمني رسايل واتلفونا =
دامت الاقدام تمشي بالعيون الباصره=
البدع=
كل ما عالجت كون(ن) وسط قلبي يضح كون =
وان بغيت امـد كفـي وارفعـه وقتـل زوم =
صرت مثل الي بنا بالحيد واثـره مـا يبينـا =
وإلا مثل الي رفع زرعه , مـودي عـاذره =
الرد=
الرفيق الي علينا خلا كل(ن) يضحكـون =
ناجده وقت الضحوك ويختفي وقت الزوم =
كنت اعده راس مال وتاج وثره ما يبينـا =
مايقف مثـل الرجـال ولايقـدم عـاذره =
البدع=
علي قال اهل السوالف يخدمون الساكتـون =
في المجالس والمواقف يوم يعطون العلـوم =
واحنا ياظيف الله , شفنا في المواني لور مينا =
ما شافوه اهل الخيانـة و العيـون الميـزره =
الرد=
ما قنينا الأ النيامس ما قنينا الساكتـون =
بندق(ن) دايم مميز بالعلايـق والعلـوم =
والهدف مظمون ميه والف ميه لو رمينا =
اهل ميز يوم كل (ن) له سلوب لميزره =
البدع=
انت يا راعي الرهان الي يراهن نايمـون =
انا ما الومك ولا ودي يجي منـك اليـوم =
صار عندك للمكاسب والذهب والماس معنا=
والتجارة عندكـم تشهـد عليهـا الباخـرة =
الرد=
يابو فيصل هذي احلام(ن) يراها النا يمون =
ولا انا شفت الحقايق بالعيون وكـل يـوم =
والله انا نسمـع الزلـه وكنـا ماسمعنـا =
من غشيم(ن) لابداء بالعلم علـم باخـره =
البدع=
من يشبّه سيف ابو طالب بعود الخيزران =
اعتبرته شخص تفكيره على قد الهـدوم =
لا يقول احنا بنامن في وجودك وانت منا =
هو قليل الشوف وإلا فوق عينه منظـره =
الزمان القيلبي يزراء علي والخـي زران =
صاحبي كملي ونا احبه ونا اراسلـه دوم =
كنت اقول ان عيدي الثالث وجوده وانتمنا =
ياعيونـي ناظريـه ولالغيـرك منظـره =