قصه قديمه تدل على ان الدنيا دواره ،،

قصه قديمه تدل على ان الدنيا دواره ،،
ندخل في القصه




يقول إلى هذاك الواحد ،، و الواحد الله في سماه العالي

لهاك التاجر الكريم ، اللي ( هذي في مرقة هذي ) < يعني ذبيحه ورى ذبيحه
جوه ضيوف وبابه مفتوح ، واول ما قدم اللبن والتمر والقهوه ، وبعدين قلطهم على ذبيحه
اراد الله يومً من الأيام دارت الايام عليه وصك بابه ، جوه ضيوف ، ويتوزى ( يعني يتخبى ) في اقصى البيت
ارسل عياله وقالهم إذا سألوكم وين ابوكم قولوا له مهوب فيه ، ويوم هذا جوه عياله وقالوا ابونا مسافر
قام يتمثل في القصيده ومن ابياتها

( يقال غايب وانا في اقصى موازيها ،، امتفكر يوم اشوف الدوب بعيالي
مثل القرافيش مع شاوي ومخليها ،، ....................................
اعذروني ( ما حفظت الأبيات الباقيه )
المهم / قال لزوجته انا بروح ادبر عمري بترزق الله ، مهوب كل ماجاني ضيف سكيت الباب ، هذي مهيب من عاداتنا
المهم راح لتاجر ، وهالتاجر رفيقً له ، يعني دورو العيشه وجتهم التجاره جميع .
راح للرجال ويسلم عليه وقال من انت ، قال انا فلان نسيتني !!
قال انا ما اعرفك ، قال انا فلان بن فلان اللي هذا (حفته من صفته) < يعني هذي اوصافه
قال عطني بس لو 20.000 الف برجع تجارتي وان شاء الله برجعها لك وهو صديق له وانكره ، المهم خذ بشته وعصيته وطلع
وراح لواحد من زمان يعرفه يوم شافته لقى الرجال تاجر ، قام وفز به الرجال وهلا فيه ومرحب فيه ، قال عرفتني ، قال ليه ما عرفتك
ويقوم ويذبح له الذبيحه ويعشيه ، قال وش بغيت يا ابو فلان ، قال ماعندي الا سلامتك ، قال وش تبي تدلل ، قال ابي 20.000 الف ويقوم الرجال ويعطيه 30.000 الف
ويروح ويشتري غنم ويشتري بعارين ويشتري ويبيع فيها ،، اراد الله وانفتحت عليه ابواب الرزق من جديد ، ويفتح بابه مثل ماهو عليه
وياخذ الثلاثين ويروح بها للي عطاه اياه ،، قال والله ما اخذها هذي عطيتن مني لك
وش الدنيا !!
دارت على الرجال اللي قال ما اعرفك
التاجر اللي قال ما اعرفك خسرر كل شي ، ويجي للي طرده من محله ، لكن الرجال مهوب نذل مثله ، قلطه ورحب فيه وهلا فيه وذبح له ذبيحته
يوم تعشى ، قال والله يا فلان ، انا الدنيا جارت عليه مثل ماجارت عليك قبل ، قال يا هلا ويا مرحبا وش بغيت
قال انا ابي بس 15.000 الف قال ابشرر ماغير 15.000 الف بس ، ويعطيه اياه
قال انا خجلان منك لأني ما عطيتك وانت قمت بواجبي وعطيتني
قال مابين الأخوان شي ، الناس للناس والكل بالله ،
قال انت جيتني وما فرجتها لك ، لكن انا جيتك وفرجتها لي
ورح الرجال وعاد تجارته من جديد ..

موضوع رائع ومميز
طرحت فابدعت دمت ودام عطائك
سلمت اناملك الذهبيه على ماخطته لنا
اعذب التحايا لك
لك خالص احترامي

صدقت القصه الدنيا دواره
والمثل القائل يوم لك ويوم عليك

سلمت يمناك وتقبل تحياتي,,,

صدق الرسول صلى الله عليه وسلم

ما نقص مال من صدقة

بل تزده بل تزده

يعطيك العافية ولك جزيل الشكر

لك مني اجمل تحية