تحبني ولاتحب الدراهم =اختار لك واحدة عشان مااضيع
علاقة ما تنبني با التفاهم =حتى تحت نور القمر يمكن تميع
ترى اهل الحب الحقيقي تراهم=مشجعين احساسهم دون تشجيع
صغيرهم يدري بقيمة غلاهم=لايمكن تحصلة معروض للبيع
مزروع في قلب غلاك وعساهم =فدوى لبستانك وحصد المزاريع
مداك مايشبه في عيني مداهم =ياضبي يالي مرتك في المرابيع
اذا زماني ما نصفني واذاهم =يبغوني انثر دموع التواديع
للحين بعد ماوصل مستواهم =المستوى شقر الحرار المطاليع
صغار وعيوني لايمكن تراهم =ماهي تشوف الا النجوم الملاميع
البحر ولا الموت انا كلاهم =أغرقهم واحدفهم اليابس الريع
الا اذا شفتك معاهم=مساهم كانك تقطع قلب مغليك تقطيع
لك محتوى يغطي على محتواهم= ويزيدني شوق ومحبة وتوليع
انت القمر والشمس ولا حداهم =انت الورود اليانعة والينابيع
أهل الحروب تجر لااجلك هداهم=واهل الطرب تعزف لك اللحن تنويع
والاثقياء موحدين دعاهم=يحقضك ربي من عيون المقاليع
فرع وعلم ها البنات ايش بلاهم =احبابك الموتى يا سيد المفاريع
في ارضهم جنة نجم سماهم=اذاعة اهل الحسن وصوفك تذيع
من غير ما تطلع تراك احلاهم=واذاطلعت تصدع الناس تصديع
لاكن لاتبعد بفكرك معاهم=لا الوصل يشرى ولا الشوق للبيع
لو كل حاجة ينشرى يا الدراهم = كان اشتريت العمر قدام مايضيع