كهلة طويلة تهول الهايلين

أنا صادفت لي كهلة طويلة تهول الهايلين
راسها عند عين الشمس وارجولها في سبع اراضي
ويداً في عدن والثانية لازمة بالدمشقي
اطول من ليلة سودا عليها ثياباً هملي
قلت بالله وش اسمك يا خبيثة وقالت مذهلة
قلت واهلك وقالت جاهلة ما عرفت امي ولا ابي
غير ودك تنجمنا وتقرا علينا يا فقيه
قلت والله ما انجمك لكن فين ابلادكم
قالت ابلادنا في البر والبر ورى سبعة بحور
قلت وش تاكلين قالت آكل ثمار اهل الزراعة
واشرب الما من الأبيار واغديه قاعاً صفصفا
واتمسح بسمن البدو والتاجر اتسلط عليه
والغني والفقير آقر ميزانهم حتى يقر
التهامي نبيح ميزته واظهره يم السراه
واندر السروي ويلا تهامة يدور للمعوشة
صفة اربعطعش ما عندهم خير غير الشر باح
ياكلون الربا وشهادة الزور وايمان الفجور
هبهب الله على اللي راح في الشام واللي في اليمن
والذي راح يم الشام سارق وقطاعة سبيل
هذي اعلامنا يا زرقوي وان بغيت ازيد زدنا
وانته إلزم بحبل الله والصبر مفتاح الفرج


طبعا القصيدة للشاعر الزرقوي الغامدي رحمه الله واظنه كان يقصد الجدب اللي اصاب الديار في زمنه

لله درك يــالــــوســـــام
خفت صدقت ان في كهله بهذا الوصف

سلمت يداك على هذا النقل

ابو مساعد
اختيار موافق ورائع
سلمت يداك ولا عدمناك
لك اجمل التحايا واعطرها

بسم الله الرحمن الرحيم
الوسام صح لسانك