16-10-2009, 06:25 PM
|
#1
|
تاريخ التسجيل: Feb 2009
المشاركات: 8,866
معدل تقييم المستوى: 107
|
أمثال شعبية
جبت لكم بعض الأمثلة الشعبية
أتمنى تعجبكم
أبو طبيع ما يجوز عن طبعه
إذا بغيت صاحبك دوم حاسبه كل يوم
إذا حبتك عيني ما ضامك الدهر
إذا حجت البقر على قرونها
إذا حضر الماء بطل التيمم
إذا صار رفيقك عسل لا تلحسه كله
إذا طاح الجمل كثرت سكاكينه
إذا فات الفوت ما ينفع الصوت
إسأل مجرب ولا تسأل طبيب
إصرف ما في الجيب يأتيك ما في الغيب
أقضب مجنونك لا يجيك أجن منه
كل ما تشتهي وألبس ما يعجب الناس
إما طلعه والإ طبعه
أنطر يا حمار لما يجيك الربيع
الباب اللي يجيك منه ريح سده وإستريح
بغى يكحلها أعماها
بغيناه عون صار فرعون
تجيك التهايم وإنت نايم
ثوب أطول منك يعتك
جارك ثم دارك
حاميها حراميها
حشرٍ مع الناس عيد
حط رأسك بين رجليك وأشهد على والديك
خبز خبزتيه يا الرفلا كليه
الذيب ما يهرول عبث
زرع المجانين يطلعه رب العالمين
شبعونا طراقات وشبعناهم شتايم
شمامها لمامها
طارت الطيور بأرزاقها
طقاق روحه ما يصيح
الطول طول نخله والعقل عقل صخله
فال الله ولا فالك
الفرخ يكاكي في البيضه.
قراقيع صيف
البس يحب خناقه
كثر الدق يفك اللحام
إجري جري الوحوش غير رزقك ما تحوش
لا طار طيرك قل سبيل
لا فات الفوت ما ينفع الصوت
اللي بالقدر يطلعه الملاّس
اللي ما يطيع يضيع
اللي ما يعرف الصقر يشويه
اللي ماله أول ماله تالي
اللي مو على دينك ما يعـينك
اللي هذا أوله ينعاف تاليه
اللي يجي من الله حياه الله
ما تعينك إلا يمينك
ما لك إلا خشمك لو كان أعوج
مال عمك لا يهمك
مخروش طاح بكروش
مد رجولك على قد لحافك
مادح نفسه يبي له رفسه
من طمع طبع
نصيبك يصيبك
الوجه من الوجه أبيض
يا من شرا له من حلاله علَه
يمدح السوق من ربح فيه
.
|
|
|