السلام عليكم ورحمة الله وبركاته
على السرير الابيض
حبيبي .. يا بعد عمري فديتك .. أكتبلك هالرسالة و أنا على السرير الأبيض في المستشفى .. بعد ساعة ابدخل غرفة العمليات .. توه جاني الدكتور و اعطاني إبرة البنج .. أعذرني يا أعز إنسان في الكون إذا ماعرفت تقرى خطي أو تاهت مني بعض الحروف .. لأني والله مدري إذا كنت بعدني صاحية و إلا دخلت في غيبوة البنج .. مانيب شايفة في هاللحظة غير وجهك المضوي المزيون .. إيه شايفتك قدامي .. هذه هي عيون حبيبي اللي تن...اظرني وتلمع فيها الدموع .. هذه شفايفك تبتسم لي رغم الحزن اللي بداخلك بس أدري إنها لجلي تهون .. هذه ملامحك يا زينها تضحك لي و تملى حياتي فرح و تنسيني الهموم .. خلك معي قبل ما أدخل غرفة العمليات .. حبيبي أنا خايفة .. مرعوبة .. خايفة يمكن أموت .. حاسة إني لادخلت ما راح أطلع منها غير جسد فاضي بدون روح .. سامحني .. سامحني يا بعد عمري لا اخطيت عليك أو زعلتك في يوم .. سامحني إذا تأخرت عليك بالرد يوم كنت تتصل بي على الجوال أو التلفون .. أدري .. أدري إنك زعلان عليّ و قلبك مني مقهور .. أدري إني مقصرة معك واااجد بس وش اسوي هذا حكم القدر و المكتوب أدري إننا كنا نحلم بمستقبل جميل بس .. ما خدمتنا الظروف .. محتاجتك .. محتاجتك هالحين .. وينك .؟؟؟. محتاجتك تعال ابي احضنك حييييييل و أودعك قبل ما أفارق هالدنيا و أموت ... ودي .. ودي أضمك .. أشم أنفاسك .. أبوس كل ذرة فيك ..مشتاقة لك و للمسة إيدينك .. يوم كنا نشبك الكفوف .. ودي . ودي .. ودي أحط راسي على صدرك الحنون .. وحشني صدرك اللي كان بستان عمري .. كنت أحط خدي عليه أسمع نبضات قلبك .. أسمع صوت الدم اللي يجري بداخلك في العروق .. أسمع صوت تنهيدك و ريقك داخل البلعوم .. يمكن .. يمكن توصلك هالرسالة حبيبي و أكون أنا داخل الثلاجة و أهلي عليّ يبكون .. أبيك تسامحني يا تاج راسي و تدعيلي بالرحمة و المغفرة يوم علي يصلون .. خايفة .. خايفة .. خايفة حبيبي .. أول مرة يجيني هالإحساس .. يمكن عشان هالمرة الوحيدة اللي أسافر فيها و أنت بعيد عني وعيني ما شافتك من البارحة لليوم .. انتبه .. انتبه على نفسك و حياتك و مستقبلك .. ابيك تاكل و تشرب زين مثل ما كنت معي و أزيد .. تذكر .. تذكر حبيبي يوم كنت ألقمك اللقمة بإيدي و أنت تعض لي أصبعي و تضحك .. تذكر يوم كنا بالسيارة و أنا أجلس بجنبك أحط راسي على كتفك أشربك العصير و أنت بالسواقة مشغول .. تزوج .. حبيبي .. تزوج .. و الله ما راح أزعل منك .. ابيك تكمل حياتك من بعدي و تعيش مع نصيبك الجديد المكتوب .. أطلبك .. حبيبي أطلبك لا جيت العزاء لا تبكي قدام الناس .. ما ابي شماغك المكوي يتكرمش .. ابيك تظهر بأحسن مظهر .. حتى سكسوكتك ليتك تحددها و تتطيب بأحلى العطور .. فديتك .. فديتك و فديت صوتك و كلامك و ضحكتك الحلوة .. فديت زعلك و خصامك و عصبيتك و عنادك حتى نظراتك و أنت زعلان كانت تذوبني .. فديت ثوبك و غتر تك و شماغك و هذاك العقال اللي على راسك يا بخته زدته شموخ .. فديت عطرك و ساعتك اللي في إيدك .. حبيبي ترى كنت أغير منها عليك هي و الخاتم اللي قي أصبعك لأنهم معك وين ما تروح .. <<< آآآه حبيبي .. حاسة إني قاعدة أغيب عن الوعي و الغرفة بيا تدور >>> عندي بعد طلب أخير قبل ما توقف حواسي و أغيب عن الدنيا و النور << شوف أصابعي شلون ترتجف و مازال قلمي بيك مفتون >> أرجوك .. أرجوك .. طلبي الأخير إنك ما تمسح رقمي من جوالك و لا إيميلي من عندك .. خلني .. ما راح أزعجك بالرسايل ولا بنغمة شخص على الماسنج موجود ... أرجوك .. ثم أرجوك .. ثم أرجوك ... لا تحذفني .. خل رسائلك الحلوة في بريدي توصل مثل الأول يالحنون .. راح توحشني رسائلك و نغماتك و تعليقاتك في صفحتي ع الفيس بوك .. راح توحشني رسائلك يوم الجمعة و تهانيك لي في كل عيد و مناسبة و كل يوم .. تذكرني حبيبي .. و سامحني تراني أحبك موووووووووت .. ................... بقلم / فاروق الشعيبي ..
على السرير الابيض
منتديات ال حبه العلمية والتقنية
العرض العادي
