قصيده هزت كياني,,,,

طبعا القصيده لها مواااال خااااص

يالله تغفرلي ولاتبلاني تجعلني ابيض قلب وصافي نيه

وتعينني في الموقف الانساني وتصلح لنا في المال والذريه

سترك وعفوك خير من ماعطاني امعزبي سلطان بالجاهيه

انت اكفني من عثرة الصدقاني وعثرة قريب توجع النفسيه

وزهل على مواجهة عدواني روس العدى كرامة الجنبيه

وانا لساني في اللزوم احصاني خيرة واشرة كل ابوها ليه

اسخرة في خدمة الاوطاني او في مجال الدعوة الدينيه

ومن دون حكام البلد له شاني ومن دون ربعي وقفته مثنيه

مرات ياخذني على خلاني الحب وزن الشعر والقافيه

عندي يساوي قلة الياباني وماعدة العساف في الماليه

ياكم وياكم شايبي وصاني وكم مرت يظهر لي المخفيه

قال العرب كلامها مجاني وافعالها بالفلس والربيه

عزالله انه شايب رباني ياجعلني فدوة تراب الحذيــــــــــــــه

سلام ياتاج على التيجاني على جباة طاهرة واتقيه

عمي وعمن من على عماني ابوي لو لااسما مهي مسميه

ومعزبي وامعزب الشيخاني والعهد عهدة والالى واليه

ياسيدي سلطان لاتلحاني واسمع سوالف روحي المشجيه

اخوتك اخوة ياخطل الذرعاني لكن لحقني منها محقيه

كبرت جاهي واكثرو ضيفاني ضالو على الربع والعانيه

وخسارتي تدبلت واقذاني وفقري وقل الحيل في ايديه

قالو عطاه الدر والمرجاني وقالو بنى له قصر في الشرقيه

وقالو رصيدي يبري الوجعاني وانا على سيارت كوريه

هي والشبح وكيلها الوعلاني سبحان من فرق اخ عن خيه

قل للمحيسن ينجزة شمراني يصرف مايبني العشرة الزوجيه

يعطيني اللي قلت وما عطاني اظهرت دمعةعيني المخفيه

عصاة موسى وخاتم السليماني ماحركت في ابن المحيسن شي

لاجيت ابعايد على شيباني عزيت نفسي من خلا كفيه

فقير ويعايد على فقراني امحق فقر وامحق بعد عيديه

يامير مشين موتت الوحداني من مات لاهذي ولاهذيه

من حر قيض الارض في الصماني يمشي الجمل بالطاقه الشمسيه

موضوع في قمة الخيااال

طرحت فابدعت

دمت ودام عطائك

ودائما بأنتظار جديدك الشيق

لك خالص حبي وأشواقي